Titulli: Avelumi
Origjinali: აველუმი
Gjinia: Roman
Autori: Otar Chiladze
Shqipëroi: Elisa Ivanaj
Shtëpia botuese: Ombra GVG
Viti: 2016
Fq. 536
Pesha: 0.641 kg.
ISBN: 978-9928-06-158-4
Mbi librin
"Avelumi" është romani i pestë i Otar Chiladzes dhe është botuar në Gjeorgji në vitin 1995 dhe është libri i dytë që është përkthyer në anglisht. Autori, që ka jetuar në epokën post – sovjetike nuk ka ndikime ideologjike, por priret nga pasionet vetjake.
Në këtë vepër rrëfehet historia e një shkrimtari, të cilit i shkërmoqet "perandoria e dashurisë" së bashku me "Perandorinë e së Keqes", në kohën e shpërbërjes së Bashkimit Sovjetik, pavarësia e Gjeorgjisë së dërrmuar nga kampi sovjetik.
Chiladze shfryn indinjatën e tij për fatin e Gjeorgjisë gjatë 33 viteve nën sundimin e BS (aq vite sa jetoi edhe Krishti mbi tokë), për masakrat që kryen në Tbilis forcat speciale sovjetike në mars të vitit 1956 dhe prill të vitit 1989.
Edhe pse kjo vepër ka shumë elementë autobiografikë, nuk duhet ta identifikojmë heroin e librit, Avelumin, me autorin e tij, edhe pse Avelumi është një romancier, si dhe temat kryesore rreth Minotaurit dhe Ikarit ngjajnë me ato të Chiladzes.
Koment nga Donald Rayfield Otford
Subjekti i veprës përqendrohet në historinë e dashurisë midis një vajze perëndimore me një shkrimtar sovjetik në tragjedinë e një idealisti që lëndon në mënyrë të pandreqshme çdo grua që e ka për zemër.
Madje në fund të gjithë historisë ai lëndon edhe veten e tij. Chiladze i ka vënë heroit emrin "Avelum": nisur nga terminologjia sumere dhe akadiane që do të thotë "njeri i lirë". Mitologjia e lashtë anatoliane dhe legjendat janë thelbësore për të gjithë veprimtarinë letrare të Chiladzes, veçanërisht të veprave të tij të shkëlqyera poetike. Përveç romaneve, përmbledhjeve poetike, Otar Chiladze është autor edhe i dy dramave.
