Titulli: Na ishte njëherë një grua e cila u orvat që të vriste foshnjën e fqinjës së saj
Gjinia: Novela
Autori: Ljudmilla Petrushevskaja
Shqipëroi: Aleksandër Koli
Shtëpia botuese: Ombra GVG
Viti: 2016
Fq. 280
Pesha: 0.404 kg.
ISBN: 978-9928-06-148-5
Mbi librin
Në letërsinë zyrtare sovjetike, tregimet e Petrushevskajas shiheshin si nxirje e qëllimshme e realitetit, të drejtpërdrejta, të papranueshme. Kjo ishte arsyeja që vepra e saj nuk e gjeti dot rrugën e botimit...
Gjatë Perestrojkës, ajo u bë një emër familjar "brenda natës". Tregimet që "flinin në sirtar" prej disa vitesh, dolën mbi sipërfaqe. Përmbledhja e parë me tregime "Një Robinson Kruzo i ri" u botua në "Novy Mir" në 1987. Fragmentet e "Arkipelagut Gulag" të Solzhenicinit u botuan në këtë revistë në 1989. Petrushevskaja është një legjendë letrare në Rusi...
Komente mbi autoren
"Mbas vdekjes së Solzhenicinit nuk do të ishte e tepërt të thuhet se Petrushevskaja është shkrimtarja më e njohur e gjallë e Rusisë."
F. T. Magazine
"Ky libër është një ngjarje letrare, është një libër i pushtetit shpirtëror nga një prej shkrimtareve më të shquara të Rusisë..."
The Nation
Mbi autoren
Ljudmilla Petrushevskaja u lind në vitin 1938 në Moskë. Është autore e më shumë se 15 veprave në prozë. Në vitin 2002 është nderuar me çmimin më të rëndësishëm që jepet në Rusi, "Triumfi i veprës jetësore".
"Na ishte njëherë një grua e cila u orvat që të vriste foshnjën e fqinjës së saj... përralla dhe histori të frikshme", botuar në vitin 2009, është renditur ndër dhjetë librat më të rëndësishëm të vitit në SHBA.
Petrushevskaja është edhe artiste vizuale. Veprat e saj janë ekspozuar në muzetë më të rëndësishëm të Rusisë, në Galerinë Tretjakov, Muzeun Pushkin, Muzeun e Arteve të Bukura, në Muzeun Shtetëror të Letërsisë dhe në shumë galeri private. Jeton në Moskë.
Ljudmilla Petrushevskaja mbetet ende një nga shkrimtaret më të debatueshme edhe sot në Rusi, për të shkuarën, stilin dhe problematikën e prozës. Ajo konsiderohet si një nga shkrimtaret më të rëndësishme bashkëkohore në Rusi, që ka ditur të ndërthurë me mjeshtëri, tendencat post moderne me vlerat e letërsisë së traditës ruse.
Proza e Petrushevskajas shquhet për stilin konçiz, zymtësinë e groteskut, thellësinë psikologjike, stimulimin e dashurisë tragjike, gjuhën e pasur e sintetike, duke i vendosur situatat dhe personazhet në gjendjen mes utopisë dhe realitetit, shpesh herë në dilema ekzistenciale.
Petrushevskaja është fituese e shumë çmimeve letrare në Rusi dhe jashtë saj.
