Femije ne humnere, Jerome D. Salinger

Titulli: Fëmijë në humnerë
Origjinali: The catcher in the rye
Gjinia: Roman
Autori: Jerome D. Salinger
Shqipëroi: Çelo Hoxha
Shtëpia botuese: Ideart
Viti: 2004
Fq. 216
Pesha: 0.221 kg
ISBN: 978-99943-648-6-3

Mbi librin

"Fëmijë mbi humnerë" është një prozë e rrëfyer nga Holden Kolfilldi, djaloshi 16-vjeçar, i cili sapo është përjashtuar nga shkolla e tretë private, në përfundim të semestrit. Pjesa më e madhe e romanit është një rrëfim, herë tepër komik, herë me skena tragjike nga aventurat e tij në Manhatan.

Përshkrimi që i bën Salinger – i Holden Kolfilldit mbahet si një nga portretet më bindëse të adoleshentit në letërsinë botërore. I zgjuar, i ndjeshëm dhe me imagjinatë të ndezur, Holdeni lakmon pranimin në botën e të rriturve edhe pse përndiqet nga ajo që e konsideron si "hipokrizi", duke përfshirë këtu mësuesit e tij, prindërit dhe vëllanë më të madh.

Holdeni është idealist deri në dhembje dhe ka vendosur të jetë i moralshëm në jetë. Ai i tregon së motrës se ka vendosur të jetë një "fëmijë mbi humnerë", mbrojtës i fëmijërisë së pafajshme, dhe se kërkon të qëndrojë në atë pjesë të humnerës ku luajnë qindra fëmijë dhe "të shpëtojë ndonjë prej tyre nëse bie poshtë".

Mbi autorin

Jerome D. Salinger është një ndër shkrimtarët më të njohur, më të shitur dhe me ndikim të jashtëzakonshëm në letërsinë amerikane të shekullit XX – të. Kjo falë romanit të tij të parë, "Fëmijë në humnerë", botuar në vitin 1951. Prej botimit të parë romani ka njohur shumë ribotime.

Suksesi i librit e detyroi autorin të braktisë qytetin e vet të lindjes, i shqetësuar nga vëmendja që i solli fama. Librat e tij të mëvonshëm: "Frani dhe Zui", "Çoje lart kulmin e çatisë" dhe "Karpentieri dhe Sejmuri: një parathënie" nuk e tejkaluan dot "Fëmijë në humnerë".