Ndihma, Kathryn Stockett

Titulli: Ndihma
Origjinali: The help
Gjinia: Roman
Autori:  Kathryn Stockett
Shqipëroi: Xhevat Lloshi
Shtëpia botuese: Omsca 1
Viti: 2010
Fq. 496
Pesha: 0.511 kg
ISBN: 978-99943-41-67-2

Mbi librin

Tri femra të zakonshme tashmë janë gati të bëjnë një hap të jashtëzakonshëm. Njëzetedyvjeçarja Skiter sapo është kthyer në shtëpi pas mbarimit të kolegjit "Ol – Mis". Ajo ka një diplomë, por nëna e saj nuk do të jetë e lumtur, derisa Skiteri të ketë një unazë në gisht.

Skiteri normalisht do të ngushëllohej me të shtrenjtën e saj Konstantinën, gruan që e rriti, por ajo është zhdukur dhe askush nuk i tregon Skiterit se ku ka shkuar ajo. Ajbilina është një shërbëtore zezake, e zgjuar dhe që po rrit fëmijën e shtatëmbëdhjetë të bardhë. Asaj i është thyer zemra që kur humbi djalin e saj, dhe i është përkushtuar vajzës së vogël të bardhë, për të cilën kujdeset, megjithëse e di që të dyja mund të lëndohen nga kjo.

Mini, shoqja e ngushtë e Ajbilinës, e shkurtër, e shëndoshë është ndoshta gruaja më e shkathët (e paturp) e Misisipit. Ajo mund të gatuajë si askush tjetër, por nuk i vë dot fre gjuhës, prandaj e humb gjithmonë punën. Më në fund ajo gjen punë te dikush, që është e re në qytet dhe nuk e njeh ende statusin e saj atje. Por edhe punëdhënësja e re ka sekretet e saj. Sado të ndryshme që mund të duken këto tri gra, ato do t'i bashkojë një projekt klandestin, që do t'i vërë të trija në rrezik. Dhe pse? Sepse ato nuk tremben nga kufijtë që përcaktojnë jetën e qytetit dhe kohën e tyre, të cilët ndonjëherë edhe duhen kapërcyer.

Kathryn Stockett, në linja të menduara në mënyrë të përsosur, krijon tri femra të jashtëzakonshme, vendosmëria e të cilave për të ndryshuar jetën e tyre, bëjnë që të ndryshojë njëherë e përgjithmonë jeta e një qyteti dhe marrëdhëniet se si gratë- nëna, vajzat, dadot dhe miqtë shohin njëri-tjetrin.

Ky roman i thellë në mendime është i mbushur me humor, mprehtësi dhe shpresë. "Ndihma" është një rrëfim për çdo kohë e moshë, që flet rreth kufijve që ne u përmbahemi dhe atyre që i tejkalojmë.

Komente mbi librin

"Romani më i mirë i vitit, mund të quhet që tani klasik."

Amazon.com

"Një roman i mprehtë dhe i zgjuar... Do ta gjeni veten në çdo faqe të tij."

USA Today

"Herë i gëzuar e herë të thyen zemrën... Një paraqitje e përkryer. Lexuesit do të mbërthehen nga faqet e këtij libri."

Associated Press

"Të tërheq me mendimet provokuese... Ngjarje mbresëlënëse të një treve që ecën me hapa të ngadaltë drejt integrimit, do t'i vendosë lexuesit përballë një rrëfimi të jashtëzakonshëm, që tregon portretin e një qyteti që e mundon diskriminimi. Ky tashmë është një nga romanet më të mira të vitit."

People Magazine

"Romani "Ndihma" i Kathryn Stockett është një roman që të mbërthen, i cili po bëhet i njohur shumë shpejt... Tri karaktere kryesore që mbushin të gjitha faqet me ngrohtësi dhe arrijnë më së fundmi triumfin e tyre... Historianët e librave do të flasin e do të flasin për të... Një roman ngadhënjyes."

The New York Times

"I këndshëm dhe i vërtetë, një rrëfim që të shtyn ta përfundosh sa më parë së lexuari. Kur miqtë e tu të librave të mos dinë se çfarë të lexojnë, mos ngurroni t'u këshilloni këtë libër, me besim të plotë se nuk do të zhgënjehen."

Entertainment Weekly

"I fuqishëm... vëmendja e Stockett për detajet historike, dialektet dhe historitë krijon një portret të bukur të një bote të ndarë. Kjo histori që të prek në shpirt, e shkruar nga një talent është me të vërtetë mbresëlënës."

Atlanta Journal Constitution

"Një roman fitues që sigurisht do të ketë një sukses të padiskutueshëm ndër zhanret e librave. I ngrohtë dhe mikpritës."

New-Orleans Times-Picayune

"E dashurova dhe e admirova romanin "Ndihma". Është roman i guximshëm, gjallërues dhe shumë inkurajues. Shumë shpresëdhënës. Fantastik. Një tregim që më bëri të qaj ndërsa gëzohesha për çdo ngadhënjim të vogël, por të qëndrueshëm të njerëzve mbi urrejtjen dhe frikën. Nuk do ta harroj asnjëherë këtë libër të mrekullueshëm."

Dorothea Benton Fank

"Stil origjinal dhe i mprehtë. Kathryn Stockett ka shkruar një roman të mrekullueshëm të vendosur në Jugun e thellë dhe të treguar nga zërat konkretë të Ajbilinës, Minit dhe Skiterit, tri gra të paharrueshme, jetët dhe pikëpamjet e të cilave injektohen me gjallëri në një të ardhme plot shpresë të Amerikës që po ndryshon. Ju do të përhumbeni në leximin e këtij libri, ndërsa ato punojnë, luajnë dhe dashurohen në një kohë kur mundësitë e grave ishin të pakta por ëndrrat i kishin pakufij."

Adriana Trigiani, autore i serive Bestseller The Big Stone Gap dhe Lucia, Lucia

"Një roman magjik, që të prek në shpirt dhe kaq i vërtetë në zërat e këtyre karaktereve, sa që jetët dhe mundimet e tyre do të qëndrojnë shumë kohë me ju edhe pasi ta keni përfunduar leximin."

Robert Hicks, autori Bestseller i New York Times - The Widow of the South

"Romani "Ndihma" është i papritur, një portret kumbues i jetëve të ndërthurura të grave kundër ndarjes racore. Stockett ka shumë dhunti, sy të mprehtë për zbulimin e karaktereve, sens humori dhe një stil të përsosur për një tregimtare të lindur. Karakteret e saj, janë kaq të gjallë sa duket sikur marrin frymë bashkë me ty. Mos e humbisni këtë roman të zgjuar e vezullues."

Joshilyn Jackson, Autori Bestseller i Gods in Alabama

"Një libër i mrekullueshëm. Një rrëfim që ngjall respekt dhe shkruar me humor të mprehtë për tri gra, rreth një vendi dhe në një kohe që është ende në shumë mënyra duke na shoqëruar ne."

Beth Henley, Fituese e çmimit Pulitzer, " Crimes of the Heart"

"E dashuroj romanin "Ndihma". Kathryn Stockett na ka dhënë karaktere të paharrueshme dhe një rrëfim me të vërtetë mbresëlënës. Ajbilina, Mini dhe Skiteri, tregojnë që njerëzit në rrethana të vështira bashkohen pavarësisht nga ndryshimet dhe që gratë e zakonshme mund të bëhen heroina."

Jill Conner Browne, #1 Autori i serive Bestseller i The sweet Potato Queens dhe banor i Xhekson,Misisipi

Mbi autoren

Kathryn Stockett – i u lind dhe u rrit në Xhekson të Misisipit. Pasi mbaroi Universitetin e Alabamës, ku u diplomua për gjuhë angleze dhe letërsi, kaloi në Nju-Jork, ku punoi për botimin dhe marketimin e një reviste për nëntë vjet. Sot jeton në Atlantë me të shoqin dhe një vajzë. Ky është romani i saj i parë.