Titulli: Jetë e fshehur
Origjinali: Sikmuldeuleu Sasaenghwal
Gjinia: Roman
Autori: Lee Seung - U
Shqipëroi: Jonada Dervishi
Shtëpia botuese: OMBRA GVG
Viti: 2018
Fq. 264
Pesha: 0.346 kg.
ISBN: 978-9928-06-214-7
Mbi librin
Ki-Hyon edhe pse njeri epsharak dhe i dobët, vuan nga ndjenja e fajit ndaj vëllait të tij më të madh, U-Hyon me pasione të shumta për fotografinë, i cili ka humbur të dyja këmbët në një aksident në ushtri. Egoizmi dhe lakmia e ka shtyrë në një histori të ndërlikuar dashurie me Sunmi-n, që në të vëretë është e dashura e vëllai të gjymtuar.
Për shkak të këtyre raporteve zbulojmë realitetin e një marrëdhënie gati surealiste, që fillon shumë herët kur Ki-Hyon, i vodhi aparatin fotografik aq të çmuar të vëllait. Ky veprim erdhi si shkak i xhelozisë nga koleksioni i mrekullueshëm i fotografive por edhe këngës që i këndonte Sunmi, kur ata mbylleshin bashkë në dhomë. Por të gjitha këto i takojnë të kaluarës kaotike, kohës së rinisë.
Edhe pse gjithçka tingëllon si një dashuri e humbur, krizat dhe vuajtjet e vëllait të gjumtuar e rikthejnë atë në familje. Gjatë gjithë jetës, prej një historie të fshehur, nëna e tyre edhe pse e respektonte, nuk e kishte parë asnjëherë në sy babain e tyre.
Por e vetmja që mund ti kurojë plagët e kësaj dhimbjeje të hershme, është Sunmi, e cila jeton me familjen e saj të dhunshme dhe me shumë kontradikta në periferinë e Seulit, dhe që ende nuk e ka kuptuar pse ish i dashuri fotograf pa asnjë shpjegim ishte larguar prej saj.
Ka shumë të ngjarë, që kjo të jetë historia më e çuditshme e dashurisë që mund të keni lexuar, dhe që duket sikur endet në domenet e prozës së Murakamit, Borgesit apo Kafkës. Me siguri do të përjetoni një gjendje ankthi ndaj kësaj rrëfenje magjepsëse.
Lee Seung-U na kujton se është dashuria ajo forcë që na bashkon të gjithëve... pavarësisht rrethanave dramatike në të cilën ajo lind.
Komente mbi librin
"Letërsia koreane është e denjë për Çmimin Nobel të Letërsisë. Lee Seung-u është kandidati me potencial për fitimin e këtij çmimi."
J.M. Le Clézio
"Lee Seung-u ka realizuar një histori të madhe dashurie. Marrëdhëniet e një Romeoje dhe Zhuljete aziatike, si sfidë e hapur ndaj tragjedisë, egoizmit dhe nihilizmit... zbulojnë dimensionin mitik të dashurisë"
Le Figaro
