Titulli: Long John Silver
Origjinali: Long John Silver: Den äventyrliga och sannfärdiga berättelsen om mitt fria liv och leverne som lyckoriddare och mänsklighetens fiende
Gjinia: Roman
Autori: Björn Larsson
Shqipëroi: Entela Tabaku Sörman
Shtëpia botuese: Pa
Viti: 2016
Fq. 416
Pesha: 0.484 kg.
ISBN: 978-9951-613-25-5
Koment nga përkthyesja
Kur përkthimi në shqip i këtij romani po përgatitej për botim, i kërkova autorit, Björn Larsson, një rekomandim për ndonjë recension a kritikë që mund ta përdornim si parathënie. Në vend të këtyre, ai më dërgoi një libër të vetin me kujtime, një ditar të shkruar posaçërisht për publikun italian që e ka ndër autorët e preferuar suedezë.
"Më kanë pyetur me qindra herë si më vajti mendja të shkruaja për jetën e Long John Silverit", shkruan autori në shënimet e veta. "Por nuk kam një përgjigje të kënaqshme. E vetmja gjë që di është se e kam lexuar me qindra herë "Ishullin e Thesarit" kur isha fëmijë. Dhe se më magjepste ai pirat me një këmbë, kaq i ndryshëm nga të tjerët. Ishte një magjepsje e mbushur si me neveri, ashtu edhe me joshje.
Po si mund të ndjesh njëkohësisht simpati dhe përbuzje për një maskara të pamëshirshëm si Long Johni? Ajo çfarë doja të kuptoja ishte se çfarë e bënte të veçantë. Doja të dija ç'kishte ndodhur para se ai të shfaqej si kuzhinier në bordin e anijes "Hispaniola"dhe çfarë ndodhi më vonë.
Pak gjëra mësojmë për të nga "Ishulli i thesarit": dimë se dinte latinisht, se kishte lundruar me Edëard Englandin dhe Flintin, se jetonte me një grua zezake, se kishte një tavernë në Bristol dhe se kishte humbur një këmbë. Por nuk dimë se ku dhe kur, as se pse e thërrasin Barbecue. Të gjitha këto boshllëqe të historisë e thërrisnin mendjen time prej shkrimtari", shkruan Björn Larsson.
Të gjitha këto boshllëqe i mbush autori. Dhe krijon të tjera njëkohësisht. Si çdo roman i mirë. Boshllëqe që i thërrasin mendjes prej shkrimtari në një fëmijë tjetër.
