Titulli: Djallit i pëlqen e ëmbël
Origjinali: Everyone Worth Knowing
Gjinia: Roman
Autore: Lauren Weisberger
Shqipëroi: Enkeleida Ferrollari
Shtëpia botuese: Dudaj
Viti: 2008
Fq. 478
Pesha: 0.395 kg.
ISBN: 978-99943-0-066-2
Mbi librin
Bet Robinson, një njëzeteshtatëvjeçare nga Nju-Jorku, ish-nëpunëse banke që ëndërron të gjejë princin e kaltër, nuk arrin ta besojë kur merret në punë nga agjencia më e famshme e marrëdhënieve publike në Manhatan, me detyrën që të organizojë festat më të jashtëzakonshme.
Pasi lë mënjanë kostumet dhe këpucët e sheshta, në ekuilibër të plotë mbi një palë taka, shumë shpejt Beti bëhet një nga më të mirat në fushën e vet, e vëmendshme ndaj çdo detaji dhe e aftë të plotësojë çdo lloj teke. Por një mëngjes, pas një feste, e gjen veten në shtratin e donzhuanit më të kërkuar të qytetit, Filip Ueston. Mban veshur vetëm një palë të mbathura Dolce&Gabbana dhe kupton që është në telashe të mëdha.
Nuk mban mend asgjë nga nata e mëparshme, por për një gjë është e sigurt: nuk mund të ketë shkuar me një tip si ai. Mjaftojnë shumë pak orë që emri i saj të përfundojë në kopertinat e gazetave e revistave më të njohura të thashethemeve që shkruajnë me gërma të mëdha: "Ja gruaja që i zuri vendin Gwyneth Paltrow-t".
Për agjencinë ku punon është një triumf i vërtetë, reklama që përfitojnë është e jashtëzakonshme. Por për Betin është ferri vetë dhe djalli kësaj here është Filip Ueston, që nuk e lë të qetë për asnjë çast, duke pretenduar që ajo t'i plotësojë çdo dëshirë. Dhe Beti nuk thotë dot jo. Karriera është shumë e rëndësishme, por jeta e saj personale po merr të tatëpjetën.
