Stalini i ri, Simon Sebag Montefiore

Titulli: Stalini i ri
Origjinali: Young Stalin
Gjinia: Histori
Autori: Simon Sebag Montefiore
Shqipëroi:Blendi Lami
Shtëpia botuese: Botimet 55
Viti: 2010
Fq. 564
Pesha: 0.711 kg.
ISBN: 978-99943-56-86-7

Mbi librin

Kush ishte në të vërtetë Stalini? A ka lindur nga një lidhje e jashtëligjshme? A ishte Stalini një agjent i carit apo kapo i gangsterëve të Leninit? A bie faji mbi të për vdekjen e gruas së tij? Kur filluan vrasjet?

I lindur në varfëri, i keqtrajtuar në fëmijëri, i jashtëzakonshëm në studime, ky djalosh karizmatik, por i rrezikshëm, u lëvdua si poet, u trajnua për prift, mirëpo ai zbuloi se misioni i tij ishte të bëhej një revolucionar i thekur.

Ai ishte "truri" i organizatës që kreu vjedhjen e disa bankave, zhvatje, zjarrvënie dhe vrasje. Për çudi, është zbuluar gjithashtu se ai ka qenë një feminist që ka pasur marrëdhënie me shumë femra dhe ka lënë pas një "qerre" më fëmijë të jashtëligjshëm. Në këtë libër, tregohet se si Stalini i zakonshëm u bë ai Stalin që njohim sot.

Komente mbi librin

"I mrekullueshëm! Një kryevepër e mbushur me detaje. Një portret i gjallë psikologjik i këtij njeriu të rrezikshëm, të hijshëm dhe enigmatik."

Michael Binyon, The Times

"Magjepsës! Studimi i Montefiores është i shkëlqyer. Ai zbulon një sërë detajesh të rëndësishme nga jeta e shthurur e Stalinit, duke krijuar një portretizim të paharrueshëm të një prej përbindëshave të shekullit të njëzetë."

Antony Beevor, Daily Telegraph

"Libri im më i preferuar i vitit është... Stalini i ri; kjo vepër është një biografi e mbushur me fakte të panumërta."

Andrew Marr, Books of the year, Observer

Koment nga autori

"Të gjithë të rinjtë janë njëlloj", thoshte Stalini, "pra, përse të shkruhet... rreth djaloshit Stalin?". Sidoqoftë, ai e ka pasur gabim; ai ka qenë gjithmonë i ndryshëm nga të tjerët. Rinia e tij karakterizohet nga drama, aventura dhe shumë gjëra të tjera të veçanta. Kur arriti në moshën e thyer dhe reflektoi mbi misteret e rinisë së tij, ai ndryshoi mendje.

Ai shprehej: "Nuk ekzistojnë sekrete që nuk zbulohen për çdokënd më vonë." Sipas meje, si historian që po zbulon jetën e tij të fshehtë deri në prezantimin publik si një nga ndjekësit kryesorë të Leninit në qeverinë e re sovjetike, ai kishte të drejtë në lidhje me sekretet: shumë prej tyre tashmë mund të zbulohen.

Nuk ka shumë punime në lidhje me rininë e Stalinit (duke e krahasuar me atë të Hitlerit). Kjo ka ndodhur sepse është menduar se ekzistojnë materiale të pakta. Në fakt, kjo gjë nuk është e vërtetë.

Një prurje e madhe materialesh që zbardhin fëmijërinë dhe karrierën e tij si revolucionar, gangster, poet, i rekrutuar për prift, bashkëshort dhe feminist që braktiste gra dhe fëmijë të jashtëligjshëm, kanë qenë të fshehura në arkivat e sapo hapura, veçanërisht në arkivat gjeorgjiane shpesh të nënvlerësuara.