Titulli: Mjetet që do t'i shndërrojnë problemet tuaja në krijueshmëri, vetëbesim dhe kurajë
Origjinali: The tools
Gjinia: Psikologji
Autori: Phil Stutz, Barry Michels
Shqipëroi: Aida Musai
Shtëpia botuese: Pegi
Viti: 2012
Fq. 274
Pesha: 0.321 kg
ISBN: 978-9928-162-01-4
Mbi librin
Një libër revolucionues mbi rritjen personale që paraqet pesë mjete të efektshme për të ndryshuar jetën tuaj. Mjetet i jep zgjidhje problemit më të madh që kanë pacientët e psikoterapisë: pritja pambarimisht e gjatë për të nisur ndryshimin e jetës së tyre.
Modeli terapeutik tradicional bazohet në lëvrimin e së kaluarës, ndërsa Phil Stutz dhe Barry Michels përdorin një arsenal teknikash, pikërisht mjetet, që i lejon pacientët të përdorin problemet e tyre për të arritur te forcat e nënvetëdijes dhe, për pasojë, për t'u vënë në lëvizje.
Papritur, falë kësaj qasjeje revolucionare, problemet shndërrohen në mundësi për të gjetur kurajën dhe disiplinën, për t'u shprehur e për të krijuar. Për vite me radhë, Stutz dhe Michels ia kanë mësuar këto mjete një grupi shumë ekskluziv pacientësh dhe tani, Mjetet, metoda e tyre revolucionare dhe fuqizuese, është e gatshme për çdo lexues që ka dëshirë të përmbushë gjithë potencialin e tij.
Qëllimi i autorëve është pikërisht që jeta juaj të bëhet e jashtëzakonshme, e jashtëzakonshme në qëndrueshmërinë e saj, në përjetimin e lumturisë, në kuptimin e shpirtit njerëzor.
Komente mbi librin
"Një libër që të bën të mendohesh thellë dhe të jep një shtysë të fortë për të ndryshuar jetën tënde."
Kirkus Review
"Të gjithë lexuesit do të ndihen me siguri të fuqizuar nga lehtësia e përdorimit të ushtrimeve. Qasja e qartë dhe e thjeshtë bashkë me besimin që "fuqitë madhore janë të vërteta" është një kombinim fitimtar. Ky është një nga ata libra të rrallë vetëndihmues që ndihmon me të vërtetë."
Publishers Weekly
"Një nga sekretet më të famshme të Hollivudit... Stutz dhe Michels kanë krijuar një metodë që të ndihmon të përdorësh forcën krijuese të nënvetëdijes."
The New Yorker
"Sëmundjet që Michels ka parë shpeshherë në profesionin e tij? Shmangie. Inat i pakontrollueshëm. Ndjesi bllokimi. Përmbytje me shqetësime (ankth, veturrejtje). Ndjenjë dorëzimi dhe braktisjeje.
-Nuk po them që kjo metodë do të funksionojë me të gjithë, - pranon Michels nga fundi i një interviste, - por ne jemi të bindur dhe e kemi përjetuar që, kur dikush i përdor me të vërtetë mjetet, atëherë ai / ajo bëhet një shembull i shkëlqyer i asaj që çdo qenie njerëzore ka për qëllim të jetë."
TheStar.com
Mbi autorët
Phil Stutz u diplomua në City College në New York dhe më pas studioi mjekësi në New York University. Ai punoi si psikiatër burgu në ishullin Rikers dhe më pas privatisht në New York, para se të shpërngulte studion e tij në Los Angeles në 1982.
Barry Michels ka një diplomë nga Harvard, ka mbaruar për jurisprudencë në Berkeley, Universiteti i Kalifornisë dhe ka një Master në Punë Sociale nga Universiteti i Kalifornisë së Jugut. Ai ka punuar si psikoterapist me studion e tij private në Los Angeles që në 1986.
