Titulli: Hija e qershisë nën dritën e hënës
Origjinali: Hija e qershisë nën dritën e hënës
Gjinia: Tregime
Autori: Mehmet Kraja
Shtëpia botuese: Toena
Viti: 2006
Fq. 214
Pesha: 0.225 kg
ISBN: 978-99943-1-105-0
Mbi librin
Një vëllim me tregime të zgjedhura nga Mehmet Kraja vjen në duart e lexuesit. Në këto tregime shpalosen kaq bukur ndjenjat njerëzore, ku përshkruhen çaste të jetës, që mund të përjetohen në çdo kohë. Nuk mungojnë dialogët e gjallë, të cilët i japin jetë tregimeve.
Në këtë botim janë përfshirë vëllimet me tregime: "Vdekja pa emër", "Portat e qiellit" dhe "Tregime për kohën e shkuar".
Mbi autorin
Ka lindur më 27 qershor 1952 në Kështenjë të Krajës, fshat afër Liqenit të Shkodrës, në Mal të Zi. Shkollimin e lartë e kreu në Universitetin e Prishtinës, Degën e Gjuhës dhe Letërsisë Shqipe pranë Fakultetit Filozofik. Me shkrime letrare filloi të merrej që kur ishte nxënës i gjimnazit në Ulqin dhe tregimet e para i botoi në revistën letrare "Jeta e re", nën përkujdesjen redaktoriale të Esad
Mekulit.
Deri më tani ka botuar nëntë romane, katër vëllime me tregime, dhjetë drama, një libër me kritikë letrare dhe dy libra nga fusha e publicistikës politike. Është vlerësuar me disa çmime:
1. Çmimi vjetor i Shoqatës së Shkrimtarëve të Kosovës për veprën më të mirë (për romanin Moti i Madh, 1981);
2. Çmimi "Hivzi Sulejmani" i Shoqatës së Shkrimtarëve të Kosovës për prozën më të mirë (për përmbledhjen e tregimeve Vdekja pa emër, 1995);
3. Çmimi i shtëpisë botuese "Toena" për prozën më të mirë nga pesëqind titujt e botuar (për romanin Muri i mjegullës, 1998);
4. Çmimi "Pjetër Bogdani" i Shoqatës së Shkrimtarëve të Kosovës për veprën më të mirë (për romanin Muri i mjegullës, 1999);
5. Çmimi "Pjetër Bogdani" i Shoqatës së Shkrimtarëve të Kosovës për veprën më të mirë (për përmbledhjen Njëzet tregime për kohën e shkuar, 2001);
6. Çmimin "Azem Shkreli" të Ministrisë së Kulturës së Kosovës (për romanin Edhe të çmendurit fluturojnë, 2004).