Selvite e Tivarit, Mehmet Kraja

Titulli: Selvitë e Tivarit
Origjinali: Selvitë e Tivarit
Gjinia: Roman
Autori: Mehmet Kraja
Shtëpia botuese: Onufri
Viti: 2013
Fq. 192
Pesha: 0.27 kg
ISBN: 978-99943-42-46-4

Komente mbi autorin

“Vepra e Mehmet Krajës është një nga më cilësoret e prozës sonë dhe e përbërë nga dhjetëra vëllime me tregime, me publicistikë, eseistikë si dhe prej një sërë romanesh të suksesshëm...”

Vath Koreshi

“Mehmet Kraja, me parashenjë të njohur estetike, është shkrimtar me vetëdije dhe koncept të formuar krijues, është autor i cili me mjeshtëri dhe guxim krijues shtron e artikulon çështje të rëndësishme për ekzistencën e një mjedisi dhe të një shoqërie, për qenien njerëzore përgjithësisht.”

Ali Aliu

“Romani i fundi i Mehmet Krajës, “Edhe të çmendurit fluturojnë”, na thotë që të gjithë njerëzit janë të palumtur. Më të këqinjtë e njerëzve janë ata që e afishojnë palumturinë e tyre... Ata, së paku, e kanë si të shkruar në ballë kobin, fatkeqësinë. Të tjerët përreth tyre që ankohen për palumturi, të duken të veckël.”

Sadik Bejko

“Njëri ndër prozatorët më të mirë të letërsisë moderne shqipe, Mehmet Kraja, sa herë që boton libra, ato janë ngjarje kulturore dhe si të tilla të laureuara, qoftë në Prishtinë, qoftë në Tiranë. Mjeshtër që zotëron artin e të shkruarit që në veprat e para letrare, Mehmet Kraja është prozator që ka shënuar rezultate të larta, qoftë në romane, qoftë në tregime. Mbi të gjitha ato shquhen për njohje të thellë të kulturës shqiptare, të jetës dhe të zotërimit estetik të dukurive për të cilat shkruan.”

Ismail Syla

“Gjuha e prozës së Mehmet Krajës është një gjuhë tejet e veçantë. Ajo nuk ndërtohet mbi përbërësit që respektojnë një realitet që ka ekzistuar më parë. Gjuha e tij mbështetet në një lojë komplekse ku fjalët nuk kanë synim parësor bartjen e realitetit po vetë lojën. Shpeshherë ato shkëpusin lidhjen e domosdoshme me referencën dhe krijojnë lidhje të reja autoreferenciale. Teksti i tij shndërrohet shpesh në një metafiksion me synimin jo për të përshkruar botën po për ta krijuar atë me gjuhën.”

Basri Çapriqi

“Mehmet Kraja i ka verifikuar edhe një herë dhe e ka dëshmuar aftësinë e tij në lidhje me njohjen e thellë të gjuhës shqipe dhe leksikut të saj të pasur. Kjo është aq e dukshme dhe i shërben si një shkollë estetike shumë njerëzve që aspirojnë për të shkruar në gjuhën shqipe prozë apo çdo lloj tjetër letërsie. Me leksikun e futur ndjeshëm në frazën e tjerrë artistikisht aq plotësisht, ai bëhet bartës i elementëve të reja që janë shkas për studiuesit e gjuhës.”

Miranda Haxhia