Titulli: Rrëfenja kuteliane
Gjinia: Kritikë letrare
Autori: Klara Buda
Shtëpia botuese: Ombra GVG
Viti: 2017
Fq. 136
Pesha: 0.193 kg.
ISBN: 978-9928-06-185-0
Mbi librin
"Rrëfenja kuteliane" është një tregim i shkurtër i shkruar në mënyrë të veçantë për t'u dëgjuar me ndërmjetësinë e një lexuesi, i cili transformohet në rrëfimtar, pa asnjë udhëzim, veçse duke ndjekur tekstin.
Rrëfimtari lexon me zë të lartë duke respektuar rregullat e "pikësimit" të krijuara nga Kuteli: fjalë – pauzat dhe onomatopetë; këto së bashku me shenjat klasike të pikësimit e copëzojnë fjalinë dhe ajrosin rrëfimin, për komoditetin e rrëfimtarit dhe të dëgjuesit. "Rrëfenja kuteliane" përbëjnë risi në prozën moderne shqipe.
Ky punim i shoqëruar me përkthimin frëngjisht të rrëfenjës "Fshati im e pi rakinë" është mbrojtur në École Pratique Des Hautes Études, pranë Sorbonne – s, në Paris në tetor 1997.
Koment nga Christian Gut
Të zgjidhje prej një vepre kaq të gjerë dhe të shumanshme si ajo e Kutelit, një tekst që të ishte përfaqësues dhe njëkohësisht më tërheqës dhe i kapshëm për publikun francez, ishte e vështirë.
Edhe këtë herë zgjedhja është perfekte, sikurse është edhe puna e analizës e zonjës Buda. Në këtë punim, ajo na transmeton, nëpërmjet zgjedhjes së fjalorit, të shqyrtimit të sintaksës dhe të kompozicionit, origjinalitetin e një frymëzimi i cili pasuron anën përshkruese të tregimit me aluzione personale diskrete.
