Titulli: Në takim me shkrimtarë
Origjinali: Në takim me shkrimtarë
Gjinia: Komente letrare
Autori: Fiona Kopali
Shtëpia botuese: Naimi
Viti: 2013
Fq. 208
Pesha: 0.227 kg
ISBN: 978-9928-07-187-3
Fragment nga libri
Ismail Kadare hapi derën. Sërish, përfytyrimi im ishte ndryshe nga realiteti. Nuk e di përse shkrimtarët i imagjinoj gjithnjë pak më të shkurtër se janë. Ishte shumë bukur të takoje shkrimtarin e madh, ndaj iu afrova ta përqafoja. Përballë derës ishte një studio plot me libra.
Duhej të ishte dhoma e tij e punës. Na rehatoi në sallonin e pritjes. Gjithçka e zotëronte ngjyra bezhë. Shumë libra nëpër rafte. Pastërti dhe rregull... I treguam edhe idenë për t'i përmbledhur në një libër intervistat, por ai shprehu dëshirën që kjo intervistë të mos botohej në ndonjë gazetë. "Më kuptoni, besoj. I kam shmangur të gjitha intervistat. Në librin që keni në plan, po."
Në momentin që po shkruante autografin mbi librin tim po lëvizte dorën mbi fletën e librit, sikur nuk dinte çfarë të shkruante. "Dëgjo, Bujar!", - iu drejtua botuesit të tij: "Për Fjonën?" apo "Për Fionan"? U! Përfundimisht e shkroi: "Për Fionën, kujtim nga Ismail Kadare, 21.4.2010"...
Mbi autoren
Fiona Kopali, aktualisht studente e vitit të tretë për drejtësi në Universitetin e Tiranës, u lind në vitin 1992, në Tiranë. Ka mbaruar për anglisht në gjimnazin e Gjuhëve të Huaja "Asim Vokshi". Autorja e këtij libri ka pasion letërsinë dhe sheh një lidhje të natyrshme të përzgjedhjes së saj, jurisprudencës, me letërsinë artistike.
Që herët, në gjimnaz, ka shkruar dhe botuar ese, tregime, por sidomos përkthime nga letërsia e Virxhinia Ulfit, Heminguejit, Markezit etj. Ndërkaq, ka botuar edhe një varg intervistash, një pjesë e të cilave përfshihen në këtë libër.
