Titulli: Tekste të vjetra
Gjinia: Kririkë letrare
Autori: Rexhep Ismajli
Shtëpia botuese: Dukagjini
Viti: 2000
Fq. 432
Pesha: 0.554 kg.
Koment nga autori
Ky libër ishte menduar në radhë të parë si krestomaci tekstesh të autorëve shqiptarë të shekullit XVII: Pjetër Budi, Frang Bardhi dhe Pjetër Bogdani, me shënime që lehtësojnë leximin e tyre. Kjo është arsyeja pse tekstet e këtyre autorëve janë paraqitur në gjerësi më të madhe.
Në të vërtetë Buzuku dhe Matrënga tashmë janë botuar në tërësi dhe me aparaturë të nevojshme – transkriptim e shënime kritike. Vepra e Pjetër Budit po ashtu është e pranishme në opinion, qoftë përmes botimit të të gjitha poezive të tij nga ne te Rilindja në Prishtinë, qoftë përmes botimit pak më të rrallë të Gunnar Svane – s me transliterim, tekste kritike dhe konkordanca shumë të dobishme.
Megjithatë, në qarkullim për opinionin e gjerë ka pak fragmente nga proza e Budit. Veprat e Frang Bardhit dhe të Pjetër Bogdanit gjinden në qarkullim me botime fototipike dhe me përshtatje në gjuhën e sotme, çka nuk ësthë e mjaftueshme.
Në fragmentet që janë në qarkullim shpesh ka gabime në lexim dhe kjo nuk është për t'u çuditur, sepse çelësat që kemi për leximin dhe interpretimin gjuhësor të teksteve të këtyre autorëve jo gjithmonë janë të sigurt.
