Gjuha dhe lufta e ideve, Lindita Aliu-Tahiri

Titulli: Gjuha dhe lufta e ideve
Origjinali: Gjuha dhe lufta e ideve
Gjinia: Gjuhësi
Autori: Lindita Aliu – Tahiri
Shtëpia botuese: Naimi
Viti: 2013
Fq. 320
Pesha: 0.391 kg
ISBN: 978-9928-109-43-9

Koment nga Shaban Sinani

Gjuhë, ide dhe luftë. Në tri fjalë të vetme, Lindita Aliu – Tahiri ka shprehur gjithë thelbin e kërkimeve shumëvjeçare të saj në gjuhësinë kritike, një nëndisiplinë nga më të rejat të filologjisë së sotme të tekstit, botërore e vendase. Studimet e saj synojnë të depërtojnë në etnotipet ballkanase përmes çkriptimit të gjuhës së medias dhe multimedias.

Autorja e këtij libri synon që përmes shqyrtimeve të karakterit gjuhësor – kritik dhe socio – gjuhësor të dëshmojë si identifikohen sot në Ballkan përmes gjuhëve popullore dhe ligjërimeve të tyre bashkësitë etnike, grupimet politike, brezat shoqërorë dhe madje edhe individualitetet e jetës publike: kryesisht politikanë, por edhe njerëz të letrave e të artit.

Lindita Aliu – Tahiri me të drejtë bën sarkazëm të hijshme me propozuesit e dalldisur të gjuhës kosovarishte; me mbrojtësit e identitetit të rremë kosovarli, me të gjithë ata që mjetin më përbashkues të shqiptarëve kanë tentuar ta kthejnë në mjet etnodallues.

Mbi autoren

Prof. Asoc. Dr. Lindita Aliu – Tahiri është pedagoge e Gjuhës dhe Letërsisë Angleze, në Departamentin e Gazetarisë dhe në programin për përkthim dhe interpretim në Fakultetin e Filologjisë, Prishtinë. Magjistraturën dhe doktoraturën i ka kryer në fushën e gjuhësisë, me interesin të përqendruar në stilistikë.

Ka botuar libra dhe studime në fushën e gjuhësisë kritike, stilistikës, kritikës letrare dhe analizës së diskursit. Ka botuar dhe dy përmbledhje poezish, të botuara edhe në gjuhën angleze dhe maqedonase.

Nga viti 2003 – 2010 ka udhëhequr programin e Komisionit Europian për arsim të lartë "Tempus", një program që synon partneritetin e institucioneve të arsimit të lartë në Kosovë. Aktualisht, Lindita Aliu – Tahiri është zv/redaktore për marrëdhënie me jashtë në Universitetin e Prishtinës.