Titulli: Yjet nuk vishen kështu
Origjinali: Yjet nuk vishen kështu
Gjinia: Roman
Autori: Elvira Dones
Shtëpia botuese: Pegi
Viti: 2015
Fq. 352
Pesha: 0.388 kg.
ISBN: 978-9928-200-30-3
Mbi librin
"Yjet nuk vishen kështu" rrëfen jetën e grave dhe burrave të përhumbur pas rënies së regjimit komunist në Shqipëri dhe ëndrrat e thërrmuara në trotuaret e Europës nga një e keqe që askush nuk mendonte se e kishte përbrenda.
Një e keqe që shpërthen me dhunën e pafund, me marrëzinë e fitimit përmes rrugëve të lehta, me asgjësimin e çfarëdolloj morali njerëzor, kur shpresat shkatërrohen përfundimisht. Një roman koral, me një fuqi sfilitëse dhe lirike në të njëjtën kohë, që duket se e thith lexuesin që në faqet e para, duke këmbyer, me një ritëm shpesh mbytës, zërin e shpresës e të ëndrrave me klithmat e dhembjes dhe të vdekjes, jo vetëm fizike, por dhe shpirtërore.
Komente mbi librin
"Elvira Dones e di fort mirë se për çfarë flet. Në veprën e saj me rëndësi të madhe sa historike e sociologjike, por po aq edhe letrare, nëpërmjet artit dhe mjeshtërisë së saj, ajo përcjell shpërfilljen e çdo ndjesie, ajo u jep një rëndësi të veçantë personazheve dhe ngjarjeve. Një vepër mjaft e rëndësishme për një temë që shumë rrallë është prekur. Ndoshta ngaqë mund të na trishtojë?"
Le Monde
"Elvira Dones ia del mbanë të mos bjerë në grackën e krahasimeve mes shkallëve të ndryshme të dramacitetit dhe, ndonëse disa ngjarje do të mbeten të pashlyera, si ajo e Mynyres të rrëmbyer bashkë me të birin katërvjeçar, efekti i një tmerri universal është nota mbizotëruese që, herë pas here, bashkon romanin "Yjet nuk vishen kështu" me dëshmitë e kampeve të përqendrimit."
La Stampa
"... romani i saj më i fundit dhe gjithashtu më mbresëlënësi... (...) Elvira Dones ka arritur një tjetër kulm në karrierën e saj letrare. Është një roman i pjekur dhe mbërthyes."
Robert Elsie, World Literature Today
"Është një zbulim i bukur (...) me një shije sa epike, aq edhe lirike. (...) Është një zbulim i bukur, sepse çel një dritare mbi letërsinë e bregut tjetër të Adriatikut, sepse na shtyn t'i shohim fqinjët tanë shqiptarë me më pak paragjykime të kota, por mbi të gjitha, sepse bëhet fjalë për një vepër me një forcë narrative të madhe dhe të rafinuar."
L'Espresso
Mbi autoren
Elvira Dones është autore e nëntë veprave në prozë (shtatë romane dhe dy vëllime me tregime), si edhe gazetare – regjisore filmash dokumentarë e skenariste kinematografike. Ajo shkruan në shqip dhe në italisht. Veprat e saj janë nderuar me çmime të ndryshme ndërkombëtare, letrare dhe gazetarie. Në vitin 2014, Dones u shpall Shkrimtarja e vitit gjatë Panairit të Librit në Prishtinë, Kosovë, për romanin "Luftë e vogël e përkorë".
