Titulli: Kokat e dy lejlekëve të purpurt
Origjinali: Kokat e dy lejlekëve të purpurt
Gjinia: Roman
Autori: Ismete Selmanaj Leba
Shtëpia botuese: Dudaj
Viti: 2014
Fq. 280
Pesha: 0.256 kg.
ISBN: 978-99943-0-378-6
Mbi librin
Gjergji dhe vëllai i tij, Sokoli, janë dëshmitarët e vetëm të vetëvrasjes së babait të tyre kur ishin ende fëmijë. Të gjendur midis akuzave të gjyshit të tyre, traumës së kaluar nga skena e gjetjes së trupit të pajetë të babait dhe rënies në gjak, detyrohen të largohen nga fshati.
Situata komplikohet kur në parkun e qytetit ku banojnë gjendet i vrarë një person me një të shkuar të dyshimtë, si dhe nga ardhja në qytet e një njeriu misterioz që i ndjek si hije nga pas. Kush është ky person dhe çfarë kërkon prej tyre Asgjë nuk është ashtu siç duket në gjithë këtë histori të mbushur me prapaskena deri në fund.
Mbi autoren
Ismete Selmanaj Leba ka lindur në Durrës në vitin 1966. Mbaron shkollën e mesme në Durrës, në gjimnazin "Naim Frashëri", dhe më pas studimet e larta në Universitetin e Tiranës, në Fakultetin e Inxhinierisë së Ndërtimit, ku dhe u diplomua në vitin 1991. Prej vitit 1992 jeton në Itali. Ky është libri i dytë që publikon në Shqipëri - pas librit "Gjembi dhe trëndafilat" (Shtëpia Botuese "Dudaj", nëntor 2013), me të cilin mori pjesë edhe në Panairin e Librit "Tirana 2013". Shumë shpejt ky libër do të publikohet edhe në Itali.
