Titulli: Djalli që pagova për këshillë
Origjinali: Djalli që pagova për këshillë
Gjinia: Roman
Autori:Jeta Vojkollari
Shtëpia botuese: Dudaj
Viti: 2014
Fq. 132
Pesha: 0.279 kg.
ISBN: 978-99943-0-357-1
Fragment nga libri
Kur diçka mrekullisht tronditëse ndodhi në jetën e Sabrinës, u duk sikur dashuria dhe xhelozia për Tomin filluan të thërrmoheshin brenda saj. Psikoterapistja më e mirë e Tiranës u mbërthye nga euforia. Askush dhe asgjë s'e frenonte dot më. Tani ajo do t'i zgjidhte klientët nga paria e vendit.
Do ta vinte kryeministrin në fron e do ta shikonte si përpëlitej në pazotësinë e tij për t'i shtypur fantazmat brenda vetes. Ajo do t'i shndërronte fantazmat e tij në skllevërit e saj dhe pastaj do të luante me to. Ndoshta ai do të qante. Ndoshta do t'i lutej asaj. Ndoshta truprojat e kryeministrit do ta vrisnin Sabrinën, se ajo kish mësuar sekretet e tij.
Dhe Tomi? Oh, i mjeri Tom! Ai nuk do ta linte kurrë po ta dinte çfarë kishte ndodhur. Ikja e tij e bëri Sabrinën më të hidhur, më sarkastike, më djallëzore. Hakmarrja e saj ndaj Tomit – asgjë tjetër veçse perfeksion. Nuk ka burrë në botë që do të donte të përjetonte atë që përjetoi Tomi.
