Psikologjia

Information

Botuesit

Speciale

Autorët

Ulje çmimi! Perse te tjere duam dhe me te tjere martohemi, Roza Sjabitova Shfaq të madhe

Perse te tjere duam dhe me te tjere martohemi, Roza Sjabitova

Produkt i ri

Jo shumë kohë më parë fjala "shkesë" të sillte ndërmend komedinë e pavdekshme të Nikollaj Gogolit, "Martesa". Në shekullin tonë, kur të dashuruarit i vendosin të afërmit para faktit të kryer, fjala "shkesë" tingëllon si atavizëm. Prandaj, kur si e tillë u shfaq para publikut, psikologia e njohur Roza Sjabitova shkaktoi reagime të kundërta.

Më shumë detaje

Ne gjendje

$7.89

-20%

$9.86

Add to wishlist

Më shumë informacione

Titulli: Përse të tjerë duam dhe me të tjerë martohemi
Gjinia: Psikologji
Autori: Roza Sjabitova
Shqipëroi: Sokrat Gjerasi
Shtëpia botuese: Minerva
Viti: 2013
Fq. 208
Pesha: 0.291 kg.
ISBN: 978-9928-164-47-6

Mbi librin

Jo shumë kohë më parë fjala "shkesë" të sillte ndërmend komedinë e pavdekshme të Nikollaj Gogolit, "Martesa". Në shekullin tonë, kur të dashuruarit i vendosin të afërmit para faktit të kryer, fjala "shkesë" tingëllon si atavizëm. Prandaj, kur si e tillë u shfaq para publikut, psikologia e njohur Roza Sjabitova shkaktoi reagime të kundërta.

Por vetëm në fillim. Sepse për nevojën e këtij lloj shërbimi, prej kohësh dëshmon përvoja e hidhur e shumë çifteve që e përjetësojnë dashurinë e tyre me divorce të befasishme. Çfarë duhet të ketë parasysh një nuse/e fejuar në tregun martesor? Çfarë duhet duhet të bëjë për të përvetësuar profesionin e bashkëshortes? Cili është sekreti i lumturisë bashkëshortore? Për këto dhe shumë të tjera, rrëfen në këtë libër shkesa profesioniste Roza Sjabitova, moderatorja e njohur televizive ruse e programeve "Eja të martohemi" dhe "Njohje me prindërit".

Koment nga autorja

Një grua e shquar ka shprehur një mendim interesant: "Disa gra qahen se nuk kanë gjetur burrin e ëndrrave të tyre, e të tjera... ngaqë e kanë gjetur". Shpesh femra mendon se po e gjeti burrin e ëndrrave, burrin ideal (atë që i përshtatet më tepër), atëherë edhe marrëdhëniet e tyre do të jenë harmonike. Sikur, sapo e gjen, do të nisë të ndërtojë me të marrëdhënie sipas skenarit të saj, por shpejt bindet që lumturi s'ka. Pse?

Problemi është se gruaja, në kërkim të burrit të përshtatshëm,i drejton vetes të njëjtën pyetje: ç'lloj burri më duhet mua? Ajo vëren shfaqjet e jashtme, por as e ka idenë me cilin ka të bëjë në të vërtetë. E kam fjalën, që ajo nuk e ka idenë e burrit nga pikëpamja e veçorive të tij psikologjike. Dhe, kryesorja, nuk arrin ta kuptojë, përse të rrëmojë në gjëra të tilla.

Në vitin 2009 së bashku me burrin regjistruam organizatën shoqërore "Qendra e ringjalljes së traditave familjare". Kur flas për veprimtari të ndryshme kushtuar vlerave të familjes, unë patjetër prek problemin që sot armiku kryesor i popullit të Rusisë është femra e Rusisë. Nuk dëshiron të martohet, të lindë fëmijë, jeton në sistemin e vlerave të rreme familjare... kam parasysh bashkëjetesën.

Detyra jonë parësore është kthimi i gruas në zanafillat e familjes. Mbi të gjitha, ne po humbasim një brez të tërë femrash 30 vjeçare, të shkolluara, të suksesshme, materialisht të pavarura, por jo interesante në cilësinë e bashkëshorteve të mira për burrat tanë në Rusi.

Si ta fitojnë këto gra lumturinë familjare, ndërsa vendi të mos humbasë "rezervat e arta femërore".. për këtë do të tregoj në çdo kapitull të këtij libri. Të gjithë jemi lodhur nga epoka e ndryshimeve. Gjatë jetës jemi ngopur me revolucione dhe luftëra. Ne duam stabilitet. Dhe stabilitetin e jep vetëm familja, tek na ndihmon të ruajmë të tashmen, të kujdesemi për të ardhmen, të mos rrënojmë ç'kemi krijuar dhe të mos humbasim ç'kemi fituar.

Ringjallja dhe ruajtja e traditave është themeli i qëndrueshmërisë edhe në familje, edhe në shoqëri. Cilat tradita duhen ringjallur, cilat vlera familjare duhen ruajtur dhe shumuar.. për këto do t'ju tregoj në kreun e tetë. Shumë probleme tona të marrëdhënieve të ndërsjella mund t'i kishim zgjidhur, nëse do të dinim të merreshim vesh. Por për të rënë në një mendje duhet kuptuar që flisni për të njëjtën gjë. "Fjalori shpjegues i burrave" do t'ju ndihmojë në këtë drejtim.

Në këtë fjalor kam mbledhur shprehjet që burrat i përdorin më shpesh në komunikim me femrat. Por vlera e fjalorit qëndron në ngarkesën kuptimore të këtyre shprehjeve. Puna është se, nëse një burrë shpreh diçka, kjo endje nuk do të thotë që ju e kapët drejt kuptimin e shprehjes së tij. Kam deshifruar për ju disa shprehje burrash, dhe jo vetëm shprehje, duke sjellë në "Fjalorin shpjegues të burrave" kuptimin e tyre të vërtetë.

Çdo grua e di përrallën e famshme "Hirushja". A mund të martohej Hirushja me princin po të mos ndodhej pranë ndihmësja e sigurt e orës së bardhë? Natyrisht, jo. Unë dhe libri im do të bëhemi ndihmësit tuaj! Jam e bindur që dhe ju do t'ia dilni... Dhe ju uroj të gjeni lumturinë tuaj!

Reviews

Write a review

Perse te tjere duam dhe me te tjere martohemi, Roza Sjabitova

Perse te tjere duam dhe me te tjere martohemi, Roza Sjabitova

Jo shumë kohë më parë fjala "shkesë" të sillte ndërmend komedinë e pavdekshme të Nikollaj Gogolit, "Martesa". Në shekullin tonë, kur të dashuruarit i vendosin të afërmit para faktit të kryer, fjala "shkesë" tingëllon si atavizëm. Prandaj, kur si e tillë u shfaq para publikut, psikologia e njohur Roza Sjabitova shkaktoi reagime të kundërta.

Libra të ngjashëm

Klientët që blenë këtë libër, blenë edhe...

Shkarkime

KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (0)