Titulli: Fluturim pulëbardhash
Origjinali: Fluturim pulëbardhash
Gjinia: Poezi, antologji
Autori: Të ndryshëm
Shtëpia botuese: Botimet Emar
Viti: 2014
Fq. 128
Pesha: 0.164 kg.
ISBN: 978-9928-4213-5-7
Mbi librin
Në këtë vëllim do të gjeni poezi të poetëve shqiptarë si: Bardhyl Agasi, Doranin Agalliu, Edmond Agolli, Migena Arllati, Ledi Myshketa, Met Dervishi, Mimoza Erebara, Suada Kroi, Bledi Trebicka, Skënder Lazaj etj.
Fragment nga libri
Jeta ime poezi (poezi nga Migena Arllati)
Jeta ime
Si cigare digjesh në këto duar,
Prushi i lehtë sa ndizet fiket
Iluzione më tymon papritur, pakujtuar
Dje isha unë
Në të njëjtën histori
Kur rrugët parakaloja
Një e nga një
Sot jam po unë
Historia ti.
Jeta ime që më dhemb
Veç tek dritë e syve tret
Nesër kush do të mbet
Veç këtyre vargjeve mbushur fletë?
Me degë dafine vijnë tek unë
Kurorë flokësh rreth engjëjsh turmë
Poezia mësuar nga Mehmeti,
Vargu huazuar nga Podrimja,
Magji kreshtash ilustruar nga Shkreli,
Skaliten poetët në ëndrrat e mia
Jeta ime poezi
Tjetër ç'mund të pres nga ti?
Vdekjen shoh larg tek rri
Shkarravis e shkruaj refren të ri
Jeta ime degë ulliri
Mbushur ëndërra e dëshira,
Përplasur vitesh po me këtë emër
Hedhur humnerash, dergjur lëndinash
Një mal me brenga në shpinë do ta hedh
Endacakut të parë eja me mua t'i them,
Monedhën e fatit të dy ta luajmë
Shortin e kësaj bote me shkelm ta gjuajmë
Një ciu atje tej s'më lë të vazhdoj
Lauresha dëgjon dhe këngën ndalon,
E bukura e shenjta poezi
Fjalë e pashkruar mos shko në harri!
