Gra te vogla, Luiza Mei Ellkot

Titulli: Gra të vogla
Origjinali: Little women
Gjinia: Roman
Autori: Luiza Mei Ellkot
Shqipëroi: Guri Shyti
Shtëpia botuese: OMSCA-1
Viti: 2005
Fq. 336
Pesha: 0.386 kg.
ISBN: 978-99927-52-58-0

Mbi librin

Një nga librat më të bukur të të gjitha kohërave "Gra të vogla" është më shumë se kaq: një libër i pavdekshëm. Ky libër, që nga koha e botimit të parë e deri më sot, është ribotuar pafundësisht. Pasi të lexohet është e pamundur të harrohet.

Jeta e përditshme e motrave Març, nëpërmjet gëzimeve, keqkuptimeve dhe dashurive të para, ka mrekulluar dhe vazhdon të mrekullojë lexuesit e të gjithë botës.

E dashura Beti, e talentuara Xho, e brishta Megi, ngacmuesja Emi, këto janë katër motrat Març. Përmes ëndrrave të tyre, gratë e të gjitha moshave janë bërë pjesë e kësaj familjeje të pakrahasueshme dhe janë ndier thellësisht të kënaqura, kur Megi shkëputet nga rrethi i motrave për të filluar një jetë të re...

Komente mbi librin

"Në "Gra të vogla", Ellkot na tregon krijimin e saj më të mirë, por në të njëjtën kohë edhe nga më të mirët e të gjitha kohërave."

Jane Hamilton

"Kanë kaluar dhjetëra vjet nga botimi i parë i "Gra të vogla" dhe një brez tjetër është rritur që nga kjo kohë. Më se një shekull ka kaluar pa prishur këtë varg brezash. Situatat e grave kanë ndryshuar shumë shpejt nga dekada në dekadë, por familja Març është një familje ku kemi jetuar të gjithë."

Ednah Cheyney, biografi i Ellkot