Titulli: Artemis Fowl 4, Mashtrimi i Opalit
Original: Artemis Fowl, The Opal Deception
Gjinia: Roman
Autori: Eoin Colfer
Shqipëroi: Elona Mistrovica
Shtëpia botuese: Dudaj
Viti: 2008
Fq. 356
Pesha: 0.291 Kg
Mbi romanin
Opali u shtri përsëri mbi divan. Pas pak çdo gjë do të shkonte në vendin e duhur. Pas pak armiqtë e saj do të ishin të gjithë të vdekur ose të diskretituar. Dhe, sapo të lidheshin edhe fijet e fundit, ajo do të mund të fillonte jetën e saj të re. Përkëdheli majën e mprehtë të veshëve. Kushedi se ç'pamje do të kem, pyeti veten, kur të shndërrohem në një qenie njerëzore.
Krijesat e magjepsura të Popullit të Vogël kanë fshirë çdo kujtim të botës së tyre nga mendja e së vetmes qenie njerëzore të cilit i trembeshin: gjeniut kriminal Artemis Fowl. Por tani ata kanë nevojë për ndihmën e tij... dhe sa më shpejt.
Xhindja e pabesë Opal Koboi po planifikon shkatërrimin e botës. Për ta ndalur atë, duhet çliruar kapitenia Magjistricë Shtupë nga akuzat e vrasjes, duhet të organizohet arratisja nga burgu e një xhuxhmaxhuxhi kleptoman si dhe të fitohet aleanca e një centauri tejet të zgjuar që për momentin nuk ka dijeni për asgjë. Sikur vetëm Artemisi të mund të kujtonte, sepse fati i gjithë atyre krijesave të çuditshme varet nga ai.
Mbi autorin
Eoin Colfer ka lindur në Irlandë, në Wexford, në vitin 1965. Ka qenë mësues për pesëmbëdhjetë vjet dhe, pasi ka jetuar në Tunizi, Itali dhe Arabi Saudite, është kthyer përfundimisht në qytetin e tij të lindjes. Ka filluar të shkruajë që në moshë të re (komedi, në të cilat i detyronte shokët e tij që të luanin rolet e aktorëve) dhe pa u ndalur, deri sa arriti suksesin e parë të madh në vendin e tij me romanin Benny dhe Omar. Por, falë aventurave të Artemis Fowlit ky shkrimtar është bërë i njohur në të gjithë botën. Pas shitjes së miliona librave anë e mbanë botës, saga e Artemisit po shndërrohet në një film të jashtëzakonshëm nga Miramax dhe të prodhuar nga Robert De Niro.