Titulli: Vogëlushja e Hënës së Gjashtë - Nina dhe Mallkimi i Gjarprit me Pupla
Origjinali: Nina e la Maledizione del Serpente Piumato
Gjinia: Roman
Autori: Moony Witcher
Shqipëroi: Agim Doksani
Shtëpia botuese: Pegi
Viti: 2009
Fq. 344
Pesha: 0.378 kg
ISBN: 978-99956-28-710
Mbi librin
Nina i ka shtënë në dorë tashmë dy arkanët, por e ka të qartë se, për të çliruar mendimet e fëmijëve dhe për të shpëtuar Ksoraksin, Hënën e Gjashtë, duhet të luftojë ende. Dhe jo vetëm kundër Kontit të lig, Karkon Ka i Arti! Në krah të vogëlushes alkimiste do të gjenden sërish Çesku, Dodoja, Fiorja dhe Roksi, përherë e më trima dhe më me përvojë.
Fragment nga libri
Nina e kuptoi se nuk kishte nga t'ia mbante. Këtë radhë Alikimia e Dritës nuk kishte mundur ta mposhtë Botën e Errët të së Keqes. Sytë i përvëlonin nga Mallkimi i Gjarprit me Pupla dhe frika e pushtoi krejt.Çesku, edhe pse me shikim të mjegulluar, vendosi t'i shkojë në ndihmë. Tërhoqi pas vetes Dodonë edhe së bashku rrokën shpatën e rëndë prej hekuri dhe ari.-Kam fri...kë. Çfa...rë do të bësh? - pyeti me zë të dridhur.-Le ta shpojmë tej për tej alkitarokun! Forca, më ndihmo të mbaj shpatën magjike. Çesku ishte i trazuar, por i vendosur që ta mundte skeletin e stërmadh.
