Korçë e Shkodër, Stefan Çapaliku

Titulli: Korçë e Shkodër
Origjinali: Korçë e Shkodër
Gjinia: Roman
Autori: Stefan Çapaliku
Shtëpia botuese: Gjergj Fishta
Viti: 2023
Fq. 64
Pesha: 0.320 kg
ISBN: 978-9928-329-98-1
Ky libër është në gjuhën shqipe



Mbi librin

Ky libër merret me qytetin e zhvilluar në kushte lirie dhe jashtë presionit ideologjik. Ai fokusohet në gjysmën e parë të shekullit të XX dhe tenton të japë një kontribut në të ashtëquajturën antropologji urbane për Shkodrën si kryeqytet i letërsisë, me dy shkollat e veta letrare dhe për Korçën me kujdesin për publiken dhe atmosferën estetizante.

Sipas autorit të librit Stefan Çapaliku, Shkodra dhe Korça janë dy vende, njëri në veriperëndim dhe tjetri në juglindje të Shqipërisë, që i bën dhe i ka bërë bashkë aftësia e krijimit të një klime të tillë, duke i lejuar banorët e vet të jenë si “shoqërisht heterogjenë” dhe të arrijnë ti homogjenizojnë kulturalisht këto dy qytete.

Ndoshta këtu duhet kërkuar dhe arsyeja sepse Shkodra dhe Korça kanë arritur të kenë një alkimi të pashoqe e të pakrahasueshme midis vetes. Ato ia kanë dalë të komunikojnë kaq shumë me njëra-tjetrën edhe në kohën kur komunikimi ishte aq i vështirë.