Vepra e plote, Sofokliu

Titulli: Vepra e plotë
Gjinia: Vepra e plotë, tragjedi
Autori: Sofokliu
Shqipëroi: Gjon Shllaku
Shtëpia botuese: Onufri
Viti: 2017
Fq. 584
Pesha: 1.303 kg.
ISBN: 978-9928-226-95-3

Mbi librin

Sofokliu, jeta e të cilit mbulon pothuaj të gjithë shekullin V (496/5-406/5 para Krishtit), është kronologjikisht i dyti poet i madh i Greqisë së Vjetër, ndërmjet Eskilit (525-455) dhe Euripidit (485/4 ose 480-406).
Ai i përket brezit fatmadh që korri frytet e begatshme të fitores në Selaminë. Madje njoftime të hershme lidhin me marrëdhënie të forta tre tragjikët e mëdhenj, në përleshje vendimtare të luftrave persiane: Eskili mori pjesë si luftëtar dhe u shqua në mënyë të veçantë. Djaloshi Sofokli, me bukurinë e vet trupore të gjimnastit, mbajti me sukses të jashtëzakonshëm rolin e Korifeut në korin e fitores që erdhi fill; ndërsa Euripidi u lind po në atë ishull, pikërisht në ditën e luftës detare.
Edhe sikur hollësia e fundit të vihet në dyshim, nga hulumtime më të reja, lidhja e tre poetëve me betejën detare të Salaminës (480) fsheh sigurisht një simbolikë, duke theksuar rëndësinë që kishin për tre tragjikët ditët e vështira që kalonte në ato kohë liria e Greqisë: për Eskilin ishte dëshmia e madhe e drejtësisë hyjnore, për Sofokliun edhe një cast i ndritur në jetën e tij të shkëlqyer e të lumtur, kurse te Euripidi kujtimi tronditës i atyre kohëve do të transmetohet nga ata që i përkasin një breznie tjetër, të mëparshme.

Veprat:

-Edipi Mbret

-Edipi në kolon

-Antigona

-Ajaksi

-Elektra

-Trakinëset

-Filokteti