Flokëzkarota, Histori natyre, Jules Renard

Titulli: Flokëzkarota, histori natyre
Origjinali: Poil de carotte, Histoires naturelles
Kategoria: Roman, tregime
Autori: Jules Renard
Shqipëroi: Romina Mio
Botuesi: Pika pa sipërfaqe
Viti: 2022
f: 355
Pesha: 0.38 kg
ISBN: 978-9928-373-06-9
Ky libër është në gjuhën shqipe

Mbi librin
Jules Renard ishte shpirt i ndjeshëm dhe pavarësisht se kaloi një martesë të lumtur dhe u bë prind i dy fëmijëve, bëri çmos që vështirësitë e mjerimin e fëminisë së vet t’i mbante të fshehta. Megjithatë, te Flokëzkarota, këto kujtime të fëminisë ngrenë krye, duke krijuar një ndër veprat moderne më ironike dhe të ndjeshme për jetën në fshat. Gjuha e kësaj vepre do të ushtronte një ndikim të madh te bashkëkohësit dhe në brezat e mëvonshëm. Të shumtë janë shkrimtarët që e kanë vlerësuar. Roberto Bolaño e quan një ndër tregimtarët më të mirë.
Me këtë libër, lexuesit kanë në shqip dy nga veprat më përfaqësuese të autorit.

Mbi autorin
Jules Renard (1864-1910) lindi në Châlons-sur-Mayenne, Francë. U arsimua në Nevers dhe në Paris. Pasi u martua (1888), iu kushtua plotësisht letërsisë, paçka kushteve të vështira ku ndodhej. Më 1894 boton veprën që e bëri të njohur. Flokëzkarota. Megjithëse pjesën më të madhe të jetës e kalon në Paris, Renard nuk i humb kurrë lidhjet me vendlindjen; në veprat Les Philippe (1907), Nos fréres farouches, Ragotte (1908) ai pikturon jetën fshatare me një thellësi, gëzim dhe realizëm të mprehtë. Shkruan po ashtu versione në dramë të Flokëzkarota. Është ndër themeluesit dhe anëtarët e Mercure de France (1890) dhe zgjidhet anëtar i Akademisë “Goncourt” më 1907. Kryevepër e tij mbahet Ditari, vepër me shtatë vëllime (1925-1927).