Titulli: Çelësat e mbretërisë
Origjinali: The keys of the kingdom
Gjinia: Roman
Autori: Archibald J. Cronin
Shqipëroi: Vladimir Bako
Shtëpia botuese: Dritan
Viti: 2014
Fq. 440
Pesha: 0.501 kg.
Fragment nga libri
Ne, Kisha e shenjtë katolike; dhe, në të vërtetë, tërë Kishat e botës së krishterë, ne, pra, marrim pjesë në një luftë botërore. Më keq akoma, e shenjtërojmë. Ne dërgojmë miliona prej bijve tanë fort të dashur në masakër, për të lënë atje jetën, gjymtyrët apo shpirtin, për të vrarë e për t'u vrarë, me një buzëqeshje hipokrite dhe bekimin tonë apostolik.
Vdisni për Atdheun dhe mëkatet do t'ju falen. Patriotizmi, mbreti apo perandori! Dhjetë mijë predikues kënaqen duke thirrur: "Jepini Cezarit, atë që i takon Cezarit...". E preu fjalën, grushtet i mbante shtrënguar, sytë i flakërinin.
– Nuk ka më Cezar në kohën e sotme, ka veçse financierë dhe burra shteti, që duan të zotërojnë minierat e diamantit të Afrikës së Jugut apo kauçukun e Kongos së katandisur në skllavëri. Krishti ka predikuar vëllazërimin njerëzor. Ai nuk e ngjiti malin për të thirrur: "Vrisni! Vrisni! Nisuni, të mbushur me urrejtje, ngulni bajonetën në zorrët e vëllait tuaj." Nuk janë fjalët e tij ato që buçasin sot nëpër katedrale, po zëra kriminalë dhe frikacakë.
