Titulli: Zonja me kamelie
Origjinali: Camille
Gjinia: Roman
Autori: Aleksandër Dyma (i riu)
Shqipëroi: Tajar Zavalani
Shtëpia botuese: Toena
Viti: 2003
Fq. 224
Pesha: 0.245 kg.
ISBN: 978-99927-1-668-1
Mbi librin
Histori tepër e dhimbshme dhe romantike e Margaritës! Ajo është një vajzë e zgjuar, zemërbardhë dhe tepër e bukur (një nga vajzat më të bukura në Paris), me prejardhje nga një shtresë e varfër. Margarita është e sëmurë me tuberkuloz dhe në spitalin ku kurohet njihet me Dukën, martohet dhe bën jetën e një zonje të madhe duke pritur e përcjellë dashnorët njëri pas tjetrit.
Njëri nga ta është Armandi, njeri i shtresave të larta. Ata jetojnë çaste të bukura të një dashurie të pamundur, e cila mbyllet me lotët mbi fletët e librit Manon Lesko.
Fragment nga libri
Nuk mundeni ju me ato 6 a 7 mijë frangë të ardhura që keni, t'i bëni ballë luksit ku është mësuar të jetojë një vajzë qejfi si Margarita. Të hollat tuaja nuk i dalin as për mbajtjen e karrocës së saj. Merreni Margaritën ashtu siç është: një vajzë zemërbardhë dhe e zgjuar. Mundohuni të jeni dashnori i saj për një muaj apo dy; dhurojini lule, bonbona e llozha, por mos kërkoni më tepër dhe, sidomos, hiqini nga mendja ato skena xhelozie që ju bëjnë qesharak.
Duhet ta dini se me kë kini të bëni. Margarita nuk është një vajzë e dalë nga manastiri. Ju e dashuroni, ajo ju ka me sy të mirë, ç'kërkoni më tepër?! Më duket se e teproni kur merrni pozat e burrit të fyer. Mos harroni se kini si dashnore vajzën më të bukur të Parisit; ajo ju pret në një apartament me orendi përrallore, e mbuluar me diamante që nuk ju kushtojnë asnjë frangë dhe, prapëseprapë, nuk jeni i kënaqur. Besa, shumë kërkoni edhe ju...
