Në moshën e pafajësisë, Edith Wharton

Titulli: Në moshën e pafajësisë
Origjinali: The Age of Innocence
Gjinia: Roman
Autori: Edith Wharton
Shqipëroi: Nikolla Langore
Shtëpia botuese: Omsca 1
Viti: 2012
Fq. 336
Pesha: 0.32 kg
ISBN: 978-9928-132-15-4

Mbi librin

Edith Wharton (1862 – 1937) është shkrimtare amerikane, fituese e Çmimit Pulitzer, i pari çmim i tillë i fituar nga një grua. Romani është përkthyer pothuaj në të gjitha gjuhët duke u shitur me miliona kopje në mbarë botën. Tashmë ky libër është kthyer në simbol të dashurisë së pavdekshme.

Romani "Në moshën e pafajësisë" përqendrohet në martesën e pashmangshme të një çifti të klasës së lartë dhe në shfaqjen e një gruaje të gjendur në një skandal, e cila kërkon lumturinë e çiftit. Njulend Arçeri, xhentëlmen jurist dhe tashëgimtar i një prej familjeve më të mira të Nju – Jork Sitit, po realizon para kohe, për lumturinë e tij të madhe, një martesë të mezipritur me të bukurën Mej Uelland.

Por ai ka arsye që të dyshojë për zgjedhjen që ka bërë pasi shikon Elen Olenskën, kushërirën ekzotike e të bukur 30 vjeçare të Mejit, e cila jetonte në Europë. Elen është kthyer në Nju – Jork pas ndarjes skandaloze (sipas fjalëve të përhapura) nga një martesë e palumtur. Në fillim, mbërritja e Elenës dhe dëmi që mund t'i sjellë ajo familjes së nuses së ardhshme e shqetëson Arçerin, por pastaj atë e intrigon lirshmëria e Elenës. Ndërsa admirimi i Njulendit për Olenskën rritet gjithnjë e më shumë, po kështu rritet edhe dyshimi që ka ai për t'u martuar me Mejin. Bashkimi me Mejin nuk është më për të fati ideal që kishte përfytyruar.