Titulli: Klubi Pikuik, vëllimi i dytë
Origjinali: The Pickwick Papers
Gjinia: Roman
Autori: Charles Dickens
Shqipëroi: Klodian Briçi
Shtëpia botuese: Fan Noli
Viti: 2011
Fq. 468
Pesha: 0.504 kg.
ISBN: 978-99956-86-39-0
Fragment nga libri
Ardhja e dy vizitorëve dhe hulumtimi i z. Uinkëll dhe i zonjushës së re me çizme me gëzof që pasoi, sipas të gjitha gjasave, do të kishte dalë një ndërprerje tejet e pakëndshme ndaj të qeshurave të forta të të pranishmëve, po të mos kish qenë për harenë e z. Pikuik dhe humorin e shkëlqyer të të zotit të shtëpisë, të cilat i vunë në punë plotësisht për të mirën e përbashkët të të gjithëve.
Pak nga pak, z. Uinkëll arriti t'ia fitonte zemrën z. Benxhamin Alen, e madje edhe zhvilloi një bisedë miqësore me z. Bob Sojer, të cilin, i gjallëruar nga konjaku, silla dhe muhabeti, dalëngadalë e kaploi qesëndisja dhe tregoi me ngazëllim të njëmendtë një gazmore të bukur, lidhur me heqjen e një tumori nga truri i një zotërie, të cilën e mbështeti me anë të thikës së gocave të detit dhe gjysmë çyreku dykilësh, për mësimin e gjithë të pranishmëve të atjeshëm.
Më pas i gjithë vargani vajti drejt e në kishë, kur z. Benxhamin Alen e zuri gjumi, ndërsa z. Bob Sojer e largoi mendjen nga çështjet e kësaj bote, duke gdhendur emrin e vet në stol, me shkronja të gjera dhjetë centimetra.
