Titulli: (Mos)zyrtarizmi i gjuhës shqipe në Republikën e Maqedonisë
Origjinali: (Mos)zyrtarizmi i gjuhës shqipe në Republikën e Maqedonisë
Gjinia: Histori
Autori: Arsim Sinani
Shtëpia botuese: UET Press
Viti: 2015
Fq. 318
Pesha: 0.378 kg.
ISBN: 978-9928-190-60-4
Mbi autorin
Arsim Sinani është diplomuar për letërsi pranë Fakultetit të Filologjisë, Universiteti i Prishtinës. Mban një Master për Marrëdhënie Ndërkombëtare dhe Diplomaci dhe ka mbrojtur doktoraturën pranë Universitetit të Tiranës. Flet rrjedhshëm gjuhët angleze, serbo – kroate, maqedonase dhe ka njohuri të mira rreth gjuhëve turke, spanjolle e italiane.
Për angazhimin dhe profesionalizmin e treguar në punë, ka mirënjohjen nga disa institucione e organizma ndërkombëtarë, si: Radio Shkupi, Rrjeti Global i Gruas dhe Rinisë Shqiptare me seli në Londër, Federata Ndërkombëtare e Paqes, Unioni Artistik i Kombit Shqiptar, Shoqata shqiptare "Iliria" Gjermani, Lëvizja Demokratike Shqiptare, American Corner, Akademia Diplomatike Shqiptare e Shqipërisë, Citi Hope International SHBA, Shoqata "Pueblos Fraternas", Spanjë etj.
Arsim Sinani është autori i disa zërave në pjesën juridike dhe politike të Enciklopedisë së Kosovës (2014), projekt i "Akademisë së Arteve dhe Shkencës së Kosovës". Enciklopedia pritet të dalë në vitin 2016. Editor i revistës shkencore dhe hulumtuese ndërkombëtare "Diskutime".
Sinani është president i Qendrës për Marrëdhënie Ndërkombëtare e Studime Ballkanike. Lektor në Universitetin e Prishtinës, Universitetin AAB, Universitetin e Durrësit dhe profesor – vizitor në shumë universitete të huaja; referues në konferenca kombëtare e ndërkombëtare, si dhe iniciues i shumë ekspozitave. Më 2013, Arsim Sinani është specializuar në Universitetin Columbia, Instituti i Studimeve për të Drejtat e Njeriut.
Disa nga përvojat e tij profesionale përfshijnë: themelues dhe editor i revistës ndërkombëtare shkencore e hulumtuese "Diskutim"; anëtar i rregullt i Revistës shkencore "Universitas"; themelues i Fondacionit për Arsim, Shkencë dhe Kulturë "Ramadan Sinani"; themelues dhe drejtues i "Forumit Ndërkombëtar Ballkanik për Arsim", që trajton problematikat e Arsimit në Europën Juglindore; anëtar i Bordit të "Panairit Arsimor Ballkanik"; themelues i "Ditëve Ndërkombëtare të Arsimit dhe Karrierës", "Balcan Education Fair"; bashkëthemelues i revistës studentore "Studenti shqiptar"; bashkëthemelues i Manifestimit Ndërkombëtar Letrar "Skardina"; themelues i radios rajonale "Kanali B"; bashkëthemelues i Shtëpisë Botuese "Faik Konica 95".
Arsim Sinani shkruan opinione në shtypin e përditshëm shqiptar. Ka botuar këto libra: "Procesi i Integrimit të Maqedonisë në Unionit Europian", "Dialog me dijetarë dhe pushtetarë", "Ç'është liria", studime, analiza, editoriale dhe "Komunikimi".
