Mbi të ashtuquajturën Një Histori e Jetuar të Çatin Saraçit, Tanush Frashëri

Titulli: Mbi të ashtuquajturën "Një Histori e Jetuar" të Çatin Saraçit
Origjinali: Mbi të ashtuquajturën "Një Histori e Jetuar" të Çatin Saraçit
Autori: Tanush Frashëri
Shtëpia botuese: Onufri
Viti: 2013
f. 210
Pesha: 0.614 kg
ISBN: 978-99928-164-42-1

Mbi librin

Historia e kujtimeve të çatin Saraçit e ballafaquar me dokumentet historike të mbledhura në arkivat e Shqipërisë, Italisë, Austrisë, etj.

Një libër historik që si rrallëherë nga anët tona, bazohet në dokumente arkivore të disa shteteve. Ballafaqimi i një libri me kujtime me të vërtetat e nxjerra nga arkivat për vrasjen e Luigj Gurakuqit dhe ngjarjeve të tjera të rëndësishme të viteve '30.

Mbi autorin

Tanush Frashëri ka lindur në Tiranë më 14 shtator 1936. Në vitin 1960 mbaroi Fakultetin e Histori – Filologjisë, në degën e Historisë dhe u caktua si mësues historie në gjimnazin e Selenicës, Vlorë. Aty u mor me kërkime arkeologjike e etnografike. Rezultatet e këtyre kërkimeve, përsa i përket arkeologjisë, i paraqiti në punimin me titull "Të dhëna të reja arkeologjike nga Lugina e Vjosës", botuar në revistën "Monumentet" (nr. 1, 1971).

Rezultatet e qëmtimeve etnografike i paraqiti në punimin "Vllehët në rrethin e Vlorës". Ka punuar në gjimnazin "Halim Xhelo", Vlorë, më pas transferohet në Tiranë, në gjimnazin "Ismail Qemali". Gjithashtu ka punuar si pedagog në Institutin e Arteve, Tiranë.

Në vitin 1972, u arrestua për agjitacion e propagandë dhe u dënua me 5 vjet heqje lirie. U dërgua të vuante dënimin në kampin e Spaçit, Mirditë. Pas lirimit punoi në "21 dhjetori" dhe në SMT – në e Tiranës. Në vitin 1991 shkoi në Austri, ku jeton edhe sot.

Më krijimin e mundësive, nisi hulumtimin në arkivat e disa shteteve dhe me dokumentet e qëmtuara krijoi një arkiv personal. Kështu ka botuar "Ali Këlcyra, aristokrati kuqezi" (2005), "Ali Këlcyra, shkrime për historinë e Shqipërisë" (2012) dhe librin që po i paraqet sot lexuesit.