Republika e Shtatë, Ylli Polovina

Titulli: Republika e Shtatë
Origjinali: Republika e Shtatë
Kategoria: Histori
Autori: Ylli Polovina
Botues: Art-Graphic
Viti: 2023
Fq.226
Pesha: 0.300 kg
ISBN: 9789928399199
Ky libër është në gjuhën shqipe

Mbi librin

Sipas Abaz Alizotit, nipit të Fejzi Alizotit, në afërsi të Hotel Dajtit në Tiranë, në bulevard, ndodhej një barakë me ngjyrë jeshile. Prej andej rreth mesditës së 3 shkurtit 1944 u dëgjuan disa krisma. Pas pak ranë të tjera.
Banesa e Alizotëve ishte afër, në krahun tjetër, diçka më tutje nga vendi ku sot janë tre bustet e vëllezërve Frashëri. E tërë familja, përfshi edhe vetë Fejziun mbi shtatëdhjetë vjeçar, ndodheshin në shtëpi. Dritaret kryesore shihnin nga të dy krahët, sidomos në kahun e bulevardit, pikërisht andej ku ndodhej edhe kasollja e blertë.

Prapa banesës Alizoti qe shtëpia e kryetarit të Partisë Fashiste, Tefik Mborjes. Përballë gjendej ajo e kolonelit Bilal Nivica. Kadri Cakrani, i cili banonte në Pallatet Moskate, vend që ishte skaj i Tiranës dhe prej aty niste fusha e hapët, po kalonte ato çaste në bulevard, hipur në një “Fiat”. Në krah kishte ndihmësin e vet, një të afërm, i cili qe veshur me tesha të Kadriut.
Persona që ndodheshin tek kasollja jeshile, numri i të cilëve fillimisht për fëmijën e vogël Abaz nuk kuptohej dot, shtinë mbi makinë.