Titulli: Lidershipi i John F. Kennedy, Mësimet dhe trashëgimia e një Presidenti
Origjinali: John F. Kennedy on Leadership: The Lessons and Legacy of a President
Gjinia: Histori
Autori: John A. Barnes
Shqipëroi: Evarist Beqiri
Shtëpia botuese: UET Press
Viti: 2013
Fq. 244
Pesha: 0.381 kg.
ISBN: 978-9928-4193-2-3
Mbi librin
Përmes një karriere ushtarake dhe politike, e cila arriti kulmin me një nga presidencat më të adhuruara në historinë amerikane, John F. Kennedy shfaqi aftësi udhëheqjeje që sollën përkushtimin e mbështetësve, fituan respektin e kundërshtarëve dhe i hapën rrugën revolucionit përparimtar, në një kohë kur ndryshimi ishte po aq i rrezikshëm sa edhe i pashmangshëm.
Arritjet e John F. Kennedy janë akoma edhe më të mrekullueshme, duke pasur parasysh dështimet e padiskutueshme personale, problemet e rënda shëndetësore dhe faktorë të tjerë, të cilat do të kishin rezultuar vdekjeprurëse për aspiratat e individëve më të dobët.
Libri "Lidershipi i John F. Kennedy" rendit parimet thelbësore që karakterizuan Kennedy – n përgjatë gjithë jetës e karrierës së tij dhe ofron këndvështrime të mprehta e depërtuese, që do t'u shërbejnë mjaft udhëheqësve të sotëm, teksa përpiqen të krijojnë trashëgiminë e tyre përparimtare.
Komente mbi librin
"John F. Kennedy nuk kishte frikë të shpërfillte urtësinë tradicionale dhe të krijonte mendimet e tij rreth çështjeve, një aftësi që asnjë drejtues ekzekutiv biznesi nuk mundi t'ia lejojë vetes të mos e zotërojë. Përveç ofrimit të këndvështrimeve të çmuara për qasjet menaxhuese të Kennedy – t, stili elegant i të shkruarit të John Barnes – it bën që libri "Lidershipi i John F. Kennedy" të jetë një kënaqësi në lexim."
Lawrence Kudlow, drejtues programi televiziv i CNBC dhe drejtor ekzekutiv i Kudlow and Company, LLC
"Barnes shkon përtej imazhit, duke shpalosur faqe të reja të mendjemprehtësisë dhe arsyes, duke ofruar kështu mësime të vlefshme për çdo kohë."
Stepen F. Hayward, autor i librave "Udhëheqja e Churchill – it" dhe "Epoka e Reagan – it"
"John F. Kennedy drejtoi me vizion dhe stil të paharrueshëm një komb vërtet të bekuar nga fuqia e madhe, por edhe të vendosur përballë sfidave të mëdha, madje, ndonjëherë edhe të rrezikshme. Ky libër është i mbushur me mësimet e tij për udhëheqës nga të gjitha fushat e jetës."
Hank McKinnell, kryetar dhe drejtor ekzekutiv, Pfizer Inc.
"Ky libër është thelbësor për t'u lexuar nga çdo udhëheqës në epokën e medias! Bares – i analizon me imtësi procesin mbresëlënës të vendimmarrjes së Kennedy – t dhe shpalos një këndvështrim të rifreskuar të udhëheqjes dhe stilit menaxhues të presidentit më karizmatik të shekullit të njëzetë."
William J. Flynn, kryetar i Mutual of America
"Një përkthim i shkëlqyer i Evarist Beqirit, që na sjell të plotë e në të gjitha dimensionet njerëzore e politike, figurën e një prej presidentëve më karizmatikë dhe të debatuar të SHBA – ve."
Tonin Gjuraj, rektor i UET
Mbi autorin
John A. Barnes është një shkrimtar, gazetar dhe komentator televiziv prej më shumë se shtatëmbëdhjetë vitesh. Artikujt e tij janë botuar në Boston Herald, The Detroit News dhe New York Post. Është gjithashtu autori i librit "Udhëheqja e Ulysses S. Grant". Zoti Barnes jeton në qytetin e New York – ut.
