Titulli: Tregime dhe legjenda kineze (kopertinë e trashë)
Gjinia: Histori
Shtëpia botuese: Onufri
Viti: 2014
Fq. 200
Pesha: 0.432 kg
ISBN: 978-9928-186-00-3
Mbi librin
"Tregime dhe legjenda kineze" pasqyron nëpërmjet mitologjisë e folklorit pasurinë dhe lashtësinë e kulturës kineze. Ndonëse autorë të ndryshëm shpesh flasin për një "histori e qytetërim kinez mbi 5000 vjeçar", në të vërtetë historia kineze e shënuar në shkrime të sakta është 3600 vjeçare, ndërsa historinë e më shume se 3600 vjetëve më parë e shkruan historianët kinezë të lashtësisë në bazë të gojëdhënave të atëhershme.
Për këtë arsye, tregimet dhe legjendat e lashtësisë së largët kanë ngjyrime të theksuara mitologjike. Për shembull, mitet e krijimit si "Pangu ndan qiellin nga toka", "Nuwa shkrin shkëmbin dhe mbush vrimat e qiellit" etj. që janë përfshirë në këtë libër, sigurisht përshkruajnë ngjarje të trilluara, por ato pasqyrojnë në një shkallë të caktuar luftën e njerëzve të lashtësisë së largët kundër fatkeqësive të natyrës. Ç'është e vërteta, këto mite dhe legjenda me ngjyra të gjalla janë ruajtur brez pas brezi.
Në historinë e gjatë kineze kanë ndodhur mjaft ngjarje mbresëlënëse dhe kanë dalë mjaft heronj. Pjesa më e madhe e tregimeve dhe legjendave në këtë libër janë ngjarje të vërteta historike. Ato janë redaktuar dhe përkthyer nga krerët përkatës të librave "Shënime historike", "Shënime biografike të Zuo Qiming – ut për periudhën e Pranverës e Vjeshtës", "Strategjitë e taktikat e Shteteve Ndërluftuese" dhe të veprave të tjera historike dhe kohën e vendin ku kanë ndodhur ngjarjet e ndryshme, si edhe flitet për ecurinë dhe përfundimin e këtyre historive.
Disa nga rrëfimet e këtij libri i përkasin folklorit kinez. Legjenda të tilla si: "Dashuria e Bukuroshes së Bardhë", "Dashuria në Rrugën e Qumështit", "Vajtja e Chang E – së në hënë" janë të përhapura gjerësisht në popull.
Bota e sotme po bëhet gjithnjë e më e ndërvarur, prandaj është shtuar edhe nevoja që popujt e vendeve të ndryshme ta njohin sa më mirë historinë, kulturën, mendësinë, doket dhe zakonet e njëri – tjetrit, për të shtuar mirëkuptimin e ndërsjellë dhe për të krijuar marrëdhënie sa më harmonike mes tyre.
Për ta bërë edhe më të njohur te publiku shqiptar një prej qytetërimeve më të vjetra, më të pasura e më të veçanta në botë, siç është ai kinez, CRI Shqip në bashkëpunim me shtëpinë botuese "Onufri", botojnë serinë e librave për historinë dhe kulturën kineze.
Kjo seri përbëhet nga katër libra: "Tregime dhe legjenda kineze", "Tridhjetë e gjashtë skemat strategjike dhe taktike", "Figura të historisë kineze" dhe "Idioma kineze".
