Titulli: 102 minuta, nga beteja për të mbijetuar në Kullat Binjake më 11 shtator 2001
Origjinali: 102 minutes, the untold story of the fight to survive inside the Twin Towers
Gjinia: Histori
Autori:Jim Dwyer, Kevin Flynn
Shqipëroi: Raimonda Vuçini
Shtëpia botuese: Doruntina
Viti: 2006
Fq. 280
Pesha: 0.323 kg
ISBN: 978-99943-795-4-2
Mbi librin
Ne e dimë të gjithë çfarë po bënim atë ditë, më 11 shtator 2001, por çfarë po bënin ata? Ata, pikërisht ata, avokatë, sekretarë, funksionarë, bankierë, tregtarë, punonjës sigurimesh, larës xhamash, mirëmbajtës, të gjithë ata që popullonin Kullat Binjake në momentin e përplasjes.
Mendonim se kishim parë gjithçka, se kishim lexuar gjithçka, por për vetë katastrofën nuk kishte asgjë. Ngjarja e gozhdoi të gjithë planetin përpara pamjeve televizive të pashembullta të atyre dy grataçelave në flakë, por u deshën katër vjet që ky rrëfim "i hollësishëm" dhe "i ankthshëm", sipas shtypit amerikan, të dilte në dritë.
Çfarë ndodhi në të vërtetë në ato dy kulla, ato ditë, gjatë 102 minutave që rrodhën nga goditja e avionit të parë te shembja e kullës së dytë? Cili ka qenë fati i mijëra njerëzve në Kullat Binjake nga ora 8 e 45 minuta deri në orën 11 e 20 minuta?
Çfarë po ndodhte në brendësi, ndërkohë që mbarë bota ndiqte zhvillimin e kësaj drame nga jashtë? Kësaj pyetjeje mund t'i jepte përgjigjie vetëm një libër, "102 minuta" është përshkrim i jashtëzakonshëm i këtij krimi.
Mbi autorët
Jim Dwyer dhe Kevin Flynn punojnë për New York Times dhe kanë fituar çmime të shumta në shpërblim të punës së tyre. Jim Dwyer është autori i "Two seconds undwr the world", hetim mbi atentatin e parë ndaj Qendrës Botërore të Tregtisë më 1993, si dhe i një dokumenti mbi jetën e nëndheshme "Subway lives: 24 hours in the Life of New York City Subway".
Kevin Flynn ishte korrespondent i New York Times pranë policisë së Nju Jorkut gjatë ngjarjeve të shtatorit 2001.
