Titulli: Gramatikë e qytetërimeve
Origjinali: Grammaire des civilisations
Gjinia: Histori
Autori: Fernand Braudel
Shqipëroi: Fatos Kongoli
Shtëpia botuese: IDK
Viti: 2009
Fq. 472
Pesha: 0.71 kg
ISBN: 978-99943-641-3-8
Mbi librin
Një ndër figurat më të shquara të shekullit të njëzetë...Kjo vepër ku Braudel - i na mëson historinë është një manual që udhëheq përmes labirinteve të qytetërimeve të botës. Ai u drejtohet sa specialistëve të historisë po aq edhe publikut të gjerë, e sidomos shkollarëve.
Kjo "gramatikë e qytetërimeve" që vazhdon prej vitesh të botohet e të ribotohet me sukses në mbarë botës, e përkufizon qytetërimin në marrëdhënie me hapësirën, shoqërinë, ekonominë dhe mentalitetet kolektive.
Komente mbi librin
"Një tekst që synon të tregojë dhe të provojë se historia, shkenca më e re dhe më tërheqësja ndër dijet njerëzore, mund të mësohet dhe, gjithashtu, se si duhet dhënë mësimi i saj. Një parim themelor: t'i bësh të interesuar ata të cilëve u drejtohet historia dhe t'u japësh mundësi ta përballojnë botën ku jetojnë duke e kuptuar atë. Në të vërtetë, sipas Braudel - it, nuk ka histori që nuk u përgjigjet, nëpërmjet pyetjeve dhe kthimit të së kaluarës, kureshtjeve, pasigurive dhe problemeve të së tashmes."
Maurice Aymard, drejtor i Shkollës së Studimeve të Larta Sociale, Administrator i Shtëpisë së Shkencave Njerëzore
"Braudel - i ka meritën e madhe se kuptoi që evolucioni historik është i papërmbajtshëm dhe se duhej dalë nga koncepti europeo - centrist që dominoi historiografinë e shekullit XIX dhe të gjysmës së parë të shek XX, për të ndërtuar më në fund një vizion global mbi botën. Mund të thuhet pa ngurrim se Fernand Braudel ka futur jo vetëm konceptin e historisë sociale por sidomos rolin e shoqërisë në historinë ekonomike."
Pierre Daix, historian, specialist i veprës së Braudel - it, shkrimtar, kritik arti, publicist
