Titulli: Të jesh mysliman evropian
Origjinali: To be a european muslim
Gjinia: Histori, studim fetar
Autori: Tarik Ramadan
Shqipëroi: Rejhan Neziri, Ali Pajaziti
Shtëpia botuese: Logos – A
Viti: 2011
Fq. 376
Pesha: 0.431 kg.
ISBN: 978-9989-58-393-3
Mbi librin
Tashmë ka kaluar një gjeneratë qëkur evropianët perëndimorë kanë filluar të vërejnë se komunitetet myslimane janë duke u ngulitur nëpër qytetet tona. Ditët e punëtorëve të përkohshëm emigrantë janë zëvendësuar me vendosjet e familjeve në një proces i cili ishte e qartë se do të ishte i vazhdueshëm.
Filluan të shfaqen xhamitë e para dhe ne nisëm t'u kushtojmë vëmendje. Kur pamë pas zhvillimeve të sipërfaqshme, zbuluam se myslimanët në Evropën Perëndimore kishin qenë shumë më herët, në disa raste edhe me shekuj të tërë, edhe pse në numër të vogël.
Prania e sotme e tyre në Evropën Perëndimore shërben gjithashtu edhe për të na kujtuar tashmë se ka patur komunitete myslimane të ngulitura mirë në disa pjesë të Evropës Lindore - edhe pse ne kemi menduar se i kemi injoruar në mënyrë të plotë ngase ishin fshehur pas Perdes së Hekurt.
Prania e re na ka rikujtuar praninë tonë në botën myslimane, në formën e perandorisë. Ajo çka nuk është bërë në mënyrë sistematike më parë në kontekstin bashkëkohor evropian, ka qenë shqyrtimi i burimeve të traditës kryesore dhe dobia e tyre në këtë mjedis të ri. Kjo është diçka që është bërë në mënyrë të gjerë në botën myslimane, veçanërisht në botën arabe myslimane.
Tani, dr. Ramadani na ofron përpjekjen e parë madhore për ta zbatuar këtë proces në situatën e myslimanëve në Evropë. Metoda e tij është ajo që e kanë përdorur dijetarë të rëndësishëm bashkëkohorë myslimanë, borxhin ndaj të cilëve ai e shpreh qartë me mirënjohje. Kështu, ai e vë veten sinqerisht brenda një tradite kryesore moderne (jo moderniste) islame.
Duke filluar nga një ritheksim sistematik i bazave teologjike, dr. Ramadani më pas diskuton në detajet teknikat e zhvilluara tradicionalisht për përkthimin e parimeve në praktikë, në kohë e vende të ndryshme: shprehur me fjalë kyçe mesalih dhe mekasid.
Kjo është fusha që i ka kushtuar vuajtje popullarizimit të mendimit islam, një dukuri aq e fuqishme në shekullin e kaluar, e cila vjen si një pasojë e përhapjes së strukturave perëndimore të edukimit e të arsyetimit intelektual.
