Titulli: Shqiptarët në kërkim të një fati të ri
Origjinali: Shqiptarët në kërkim të një fati të ri
Gjinia: Sprovë
Autori: Ismail Kadare
Shtëpia botuese: Onufri
Viti: 2005
Fq. 56
Pesha: 0.108 kg.
ISBN: 978-99943-32-42-7
Fragment nga libri
Në jetën e popujve qëllon shpesh që problemet e mëdha shfaqen në trajtë ciklike. Ky riciklim tregon se hallet e mëdha të mbetura pa zgjidhje, e trazojnë në stinë të ndryshme, njëlloj si tërmetet, ndërgjegjen e këtyre popujve. Ato më së shumti quhen faj i të tjerëve, shpesh në mënyrë përdëllyese poetizohen si fat tragjik dhe vetëm rrallëherë konsiderohen si faj i vetë popujve.
Historia ballkanase është e shenjuar nga një viktimologji e tillë. E jona veçanërisht. Në këtë sporvë do të ceken disa nga këto probleme. Për të tjera çështje që kanë lidhje të tërthortë madje rastësore me to, do të flitet gjithashtu,
Por as për të parat, as për të dytat, nuk pretendohet të flitet në mënyrë shterruese. Janë thjesht shënime të nxitura nga dita e ngarkuar, nga pakënaqësia apo nervozizmi ynë në orën e lajmeve në TV, ose fill pas mbylljes së ekraneve në orët e vetmisë sonë.
Komente mbi librin
"Në të gjithë botën, veprat e Kadaresë kanë një domethënie të fuqishme, therëse."
Alain Plantey, President i Akademisë Franceze
"Është kjo anë vizionare, që përbën forcën madhore, të nja njëzet librave të Kadaresë, romancier që rrok historinë me një frymë të fuqishme shekspiriane."
Histori e Letërsisë Evropiane
"Sado e ndryshme që të jetë Shqipëria nga Suedia apo Franca, ajo ka nxjerrë në dritë një gjeni. Kadareja njihet në të gjithë planetin; të kurorëzosh Kadarenë nuk do të thotë ta emanciposh atë: do të thotë të emancipoheni vetë ju."
Alain Bosquet, letër drejtuar jurisë së Çmimit Nobel
"Me njërën këmbë në Shqipërinë e moçme, gojore dhe legjendare, ende në rrëqethjen homerike, dhe më këmbën tjetër në modernitetin më të spikatur dhe më finok, Kadareja gjendet në kapërcyell të të dy botëve, dhe nga kjo rrethanë e jashtëzakonshme vepra e tij krijon akorde të fuqishme dhe të goditura."
Dominique Ferndandez
"Kadareja ia del të jetë universal dhe i të gjitha kohërave, duke mbetur gjithaq shqiptar."
Nicole Zand
"Në vështrim të parë, vlerësimi ndërkombëtar i autorit mund të të çudisë, sepse Kadareja shkruan kryekëput vetëm për Shqipërinë. Por ato ngjarje që s'ia vlen t'u hedhësh sytë në anë të botës, ai i shndërron në letërsi botërore."
Anjez Hyfner
"Asgjë nuk mund të përballet me penën e hidhur të Kadaresë, që vërvit mbi historinë njerëzore shpërthimin e një të qeshure shekspiriane. Kina e Kadaresë (Koncerti) me figurantët dhe sozitë e saj, është krej e njëmendtë. Dhe kaq e stërmadhe saqë grotesku fiton përmasa kozmike."
Andrè Clavel
"Dëshmi e Shqipërisë, dëshmi për Shqipërinë, Kadareja ëhtë bërë universal."
Maurice Druon
"Vepra e Kadaresë është një nga veprat më origjinale dhe më të shquara të këtij shekulli."
Èric Faye
