Titulli: Djathi dhe krimbat, Bota e një mullisi të shekullit XVI – të
Origjinali: Il formaggio e i vermi
Gjinia: Histori
Autori: Carlo Ginzburg
Shqipëroi: Pëllumb Xhufi
Shtëpia botuese: Çabej
Viti: 1998
Fq. 268
Pesha: 0.351 kg.
ISBN: 978-99927-330-4-2
Mbi librin
Historia e vështruar si histori e njeriut të thjeshtë e jo si histori e "të mëdhenjve'' të kësaj bote, ringjallja e realitetit të përditshëm të kohëve të shkuara për të kuptuar problemet e vërteta të tij e lidhjet me të sotmen: duke u nisur nga kjo ide, Carlo Ginzburg na jep në këtë libër vizionin që ka për një mullis i shekullit XVI, Menoku, i cili dënohet ë turrën e druve nga Inkuizicioni.
"Unë kam thënë se pas mendjes dhe besimit tim, dikur gjithçka ishte një kaos, toka, uji, e zjarri gjithë së bashku; dhe me kohë këto formuan një masë, njëlloj si formohet djathi në qumësht, dhe brenda djathit u formuan krimbat që ishin ëngjëjt'' thotë ai.
Një kozmogoni popullore që i hap dyert aspiratave utopike për ndryshime shoqërore, shpresës mijëravjeçare për drejtësi. Me hulumtimin e tij të shkëlqyer dhe plot durim, Ginzburg sjell me këtë libër një grimcë të humbur të së kaluarës, që arrin të " përfshihet në një linjë zhvillimi të hollë, të përthyer, por mjaft të qartë, që mbërrin deri tek ne: në këtë kuptim, mund të themi se Menoku është një pararendësi ynë''.
Mbi autorin
Carlo Ginzburg ka lindur në Torino më 1939; është dot pedagog në Fakultetin e Historisë të Universitetit të Kalifornisë, Los Anxheles. Përveç "Djathit dhe krimbat", është autor i njjë sërë librash të tjerë historikë, të shkruar përherë si "histori minimale", duke u nisur nga bota e vogël e njeriut të rëndomtë për të mbërritur te vërtetësia e së shkuarës historike.
