Titulli: Kushtetuta e athinasve
Gjinia: Filozofi
Autori: Aristoteli
Shqipëroi: Shpëtim Çuçka
Shtëpia botuese: ISP & Maluka
Viti: 2010
Fq. 104
Pesha: 0.142 kg.
ISBN: 978-9928-4058-2-4
Mbi librin
Kushtetuta e athinasve, vepër e ardhur e paplotë deri te ne, ajo është jo vetëm një histori politike e rindërtimit të demokracisë athinase pas periudhës së sundimit të 30 tiranëve përmes ngritjes së një sistemi shtetëror të ri, por njëkohësisht edhe një analizë e sistemit politik athinas mesh shekujve të shtatë e të katërt para Krishtit.
Një sistem ky që duke paraqitur modelet e qeverisjes së sunduesve të ndryshëm e reformave që ata ndërmarrin, përfaqëson modelin e zhvillimit të vetë demokracisë në qytetet – shtete. Autori përcjell në këtë vepër nga reformat madhore të Solonit, te sistemi qeverisës i tiranit Psisistrat e bijve të tij, lindja e demokracisë ku pushteti bashkëndahej mes qytetarëve të lirë meshkuj, deri te udhëheqja përmes Perikliut dhe demagogëve që pasojnë atë.
Ai analizon administratën shtetërore të kohës duke shpalosur mënyrën e funksionimit të këshillit, zyrtarëve dhe sistemit juridik dhe është pikërisht për shkak të gjithë këtyre informacioneve të transmetuara mbi zhvillimin e mënyrës së funksionimit të demokracisë, që kjo vepër përbën një nga burimet më të pasura të njohurisë mbi strukturën organizuese shtetërore athinase.
Mbi autorin
Aristoteli, figurë qendrore e filozofisë antike greke, veprat e të cilit kanë ndikuar filozofinë në tërësi dhe disiplinat e saj, e në veçanti teorinë e njohjes, etikën, estetikën, logjikën, mendimin politik si edhe shkencat për më shumë se dymijë vjet.
Nxënësi i Platonit e Sokratit, ai zhvillon jo vetëm një mendim të orientuar më empirikisht se ata, por njihet edhe për refuzimin e teorisë platonike të formave.
