Titulli: Plugu, shpata dhe libri, struktura e historisë njerëzore
Origjinali: Plough, Sword and Book
Gjinia: Shkenca sociale, filozofi
Autori: Ernest Gellner
Shqipëroi: Ardian Klosi
Shtëpia botuese: Botime Përpjekja
Viti: 2002
Fq. 276
Pesha: 0.353 kg.
Mbi librin
Në librin "Plugu, shpata dhe libri", Ernest Gellner na paraqet me kthjelltësi dhe mjaft kuptueshëm një filozofi të historisë njerëzore që nga Neolitiku deri më sot. Gellneri e ndan përpjekjen njerëzore në tre aktivitete: prodhimi, shtrëngimi dhe njohja dhe shqyrton si u transformuan këto aktivitete nga "kapërcimet e mëdha" të revolucionit agrar dhe atij industrial.
Duke përshkruar ndryshimet shoqërore që ndodhën, ndërkohë që qenia njerëzore lëvizi nga sistemi i gjuetisë dhe grumbullimit në atë agrar dhe industrial, Gellneri i hedh poshtë shpjegimet gjenetike dhe teknologjike dhe thekson në vend të tyre rolet e kombinimeve të veçanta të rrethanave dhe të njohjes.
Ai është kundër relativizmit kulturor dhe mbron tezën se shoqëritë njerëzore kanë ecur përpara nëpërmjet njohjes së vërtetë, ndonëse për këtë kanë paguar një çmim. Megjithë triumfin e njohjes dhe bollëkun e të mirave që ofron prodhimi industrial, Gellneri paralajmëron se shtrëngimi luan ende një rol kërcënues në shoqëritë moderne.
Këshilla e tij është se ndonëse ne nuk mund ta parashikojmë të ardhmen ne mund t'i kuptojmë opsionet tona duke kuptuar të kaluarën.
