Titulli: Filozofi bashkëkohore 1
Origjinali: Filozofi bashkëkohore 1
Gjinia: Filozofi
Autori: Dr. Adriana Anxhaku (Zeneli)
Shtëpia botuese: Afërdita
Viti: 2007
Fq. 296
Pesha: 0.473 kg
ISBN: 978-99927-58-17-5
Koment nga autorja
"Qëllimi (intencionaliteti) që përshkron vetë të ekzistuarit dhe tërësinë e gjendjeve shpirtërore, të cilat para filozofisë hajdegeriane merreshin si të verbëra, shpërfaqen me anën e ndjeshmërisë ndaj ankthit. Ky i fundit përshkruhet zakonisht si pa objekt, gjë që përbën edhe pikënisjen e analizës hajdegeriane.
Prandaj (Sein und Zeit" ka mbetur në historinë e mendimit filozofik si modeli më i pasur i ontologjisë... le të mos harrojmë se e këtillë ishte koha kur Zhan Pol Sartri e Moris Merlo-Ponti dominuan horizontin filozofik, kur në Francë arrinte fenomenologjia e me të edhe Huserli e Hajdegeri...
Vetmia u bë një temë ekzistencialiste, përderisa ekzistenca përshkruhej asokohe si dëshpërim i vetmisë, apo si izolim brenda ankthit. Ishte koha kur njohja interpretohej si një asimilim, zhdukje e qenies përballë. Madje edhe në zbulimet më të befasishme të saj njeriu vetëm sa e zgjeronte iluzionin e daljes nga vetvetja, e mashtrimit të vetmisë.
Porse edhe njohja më e guximshme dhe më e largët nuk arrinte ta vendoste njeriun në kontakt me tjetrin, ajo nuk zëvendësonte dot nevojën tonë të ethshme për praninë e tjetrit; duke mbetur kësisoj një formë e vetmisë." Ky karakterizim që i bëhet kësaj pjese të mendimit ontologjiko-fenomenologjik prej një filozofi të shquar të kohës, si Emanuel Levinas (Emmanuel Lèvinas), përbën dhe esencën më të thukët të këtyre ligjëratave, të mbajtura si leksione të Filozofisë Bashkëkohore.
