Titulli: Parasokratikët, tekste dhe doksografi
Origjinali: Parasokratikët
Gjinia: Filozofi
Shqipëroi: Anton Papleka
Shtëpia botuese: Plejad
Viti: 2010
Fq. 198
Pesha: 0.261 kg
ISBN: 978-99956-57-24-6
Mbi librin
Numri Shtatë të Urtët duket sheshit që është simbolik. Vetëm katër prej tyre figurojnë në të gjitha listat: Thalesi, Pitakosi, Biasi, Soloni. "Dikearku përmend gjashtë të tjerë, midis të cilëve ai zgjodhi tre: Aristodemin, Pamfilin, Lakedemonasin Kilon, Kleobulin, Anakarsisin dhe Periandrin. Disa të tjerë shtojnë Akusilaosin, Kabën ose Skalën, Argjian.
Në librin e tij për të Urtët, Hermini thotë se ata qenë shtatëmbëdhjetë dhe sekush zgjodhi shtatë prej tyre sipas parapëlqimeve të veta" (Diogjen Laerti). Përveç katër të urtëve që u përmendën më parë, Diogjen Laerti ka përfshirë në listën e tij: Kilonin, Kleobulin, Mizonin, Anakarsisin, Periandrin, Epimenidin, Ferekidin.
Një legjendë që qarkullonte në kohën e Platonit, linte të kuptohej se personazhet që quheshin kështu, ishin bërë të përmendur në të njëjtën datë të caktuar. Kjo datë ishte përcaktuar nga Demetriosi nga Falera në kohën e arkontatit të Damasiasit, e cila sipas tabelave prej mermeri të Paros, përkon me Olimiadën 586
vjet para Krishtit.
