Economicus, Tregjet financiare, nr. 5

Titulli: Economicus, Tregjet financiare, nr. 5
Origjinali: Economicus, Tregjet financiare, nr. 5
Gjinia: Revistë shkencore
Kryeredaktor: Adrian Civici
Shtëpia botuese: UET Press
Viti: 2010
Fq. 264
Pesha: 0.409 kg

Koment nga Adrian Civici

Revista "Economicus" është një botim me karakter shkencor dhe informativ i Fakultetit të Ekonomisë të Universitetit Europian të Tiranës. Qëllimi kryesor i saj është pasqyrimi i realiteteve, arritjeve dhe sfidave të reja në fushën e zhvillimeve ekonomike, financiare e sociale në Shqipëri dhe në botë, nxitja e kërkimit, debatit shkencor dhe propozimeve efektive në këto fusha.

Në mënyrë të veçantë revista "Economicus" synon krijimin e një forumi aktiv të mendimit ekonomik në Shqipëri, synon angazhimin më të gjerë e më konkret të gjithë komunitetit të ekonomistëve e financierëve shqiptarë në Shqipëri apo jashtë saj në trajtimin e problematikës së zhvillimit ekonomiko – social, financave publike dhe tregjeve financiare në përgjithësi, stabilitetit makroekonomik, politikave ekonomike e financiare, zhvillimit social e territorial, kredisë dhe bankave, sistemeve të sigurimeve dhe pensioneve, çmimeve dhe inflacionit, efektet dhe kërkesat në kuadrin e integrimit evropian, ndikimet dhe përballja me zhvillimet e ekonomisë botërore dhe globalizimit etj.

Një vend të rëndësishëm në përmbajtjen e saj do të kenë analizat për eksperiencat bashkëkohore ndërkombëtare në fushën e politikave ekonomike e sociale, trajtimi teorik e aplikativ i ideve, debateve e politikave më të mira në fushat e sipërpërmendura etj. Ekonomistët më të shquar të botës dhe analiza e teorive dhe kontributit të tyre në shkencat ekonomike do të jetë një tjetër rubrikë e përhershme në faqet e revistës "Economicus".

Pedagogë, kërkues të shkencave ekonomike të Universitetit Europian të Tiranës apo të universiteteve të tjera publike dhe private, studiues dhe ekspertë të institucioneve të ndryshme që në fokusin e tyre kanë ekonominë, financat dhe zhvillimin në përgjithësi janë të ftuar ta përdorin këtë revistë për të publikuar idetë dhe studimet e tyre, për të debatuar apo për të hedhur pikëpamje të reja në debatin ekonomik bashkëkohor.

Mbi revistën

Në këtë numër janë paraqitur artikujt: "Kriza financiare 2007 – 2009, tronditja dhe pikëpyetjet mbi efektivitetin e kapitalizmit" të Adrian Civicit; "Impakti i ekspozimit në rrezik i industrisë bankare në Shqipëri" të Ilir Hotit; "Sa ndikohet PBB – ja nga kreditit bankar dhe standardet e kredidhënies?" të Arjan Kadarejas; "Roli dhe objektivat e AMF si rregulltor i tregjeve financiare jobankare në Shqipëri" të Elisabeta Gjonit dhe Anxhela Dervishit; "Politikat e Bankës Qendrore të Shqipërisë gjatë krizës globale" të Besart Kadias; "Ndërmjetësit financiarë jo banka në Shqipëri" të Brunilda Duraj dhe Artan Santos; "Bursat e kapitaleve, një sfidë ende për t'u ndërmarrë, realiteti i Shqipërisë" të Elvin Mekas; "Tregu i kapitaleve në Shqipëri, nevoja për një bursë të re me kapital privat" të Artan Gjergjit dhe Enkela Idrizit; "Zhvillimet globale dhe tregu financiar në Shqipëri" të Kreshnik Bellos, Ilia Kristos, Edmond Bellos dhe Artur Temos; "Krijimi i tregut privat të pensioneve në Shqipëri, sfidat, perspektivat" të Naim Hasës dhe Ermela Kripës; "Roli i mjeteve financiare që ndikojnë në fondet private të pensioneve" të Albana Demit dhe Armando Moshos; "Shoqëritë e kursim – kreditit, sfida në kreditimin e ekonomive të vogla dhe përballja me konkurrencën e bankave tregtare" të Arlinda Hotit dhe Zana Kominit; "Risku i kredidhënies në Shqipëri" të Majlinda Gjatas dhe Evis Gjebreas; "Drejt një mbikëqyrjeje efektive të tregut të sigurimeve në Shqipëri" të Rinald Gurit dhe Anxhela Dervishit; "Financimi i qeverisjes vendore, sfidat, bashkitë, komunat dhe sistemin bankar" të Ornela Shapos, Ardiana Sokolit dhe Anilda Bozdos; "Kreditimi i njësive të qeverisjes vendore dhe roli i fondeve të zhvillimit" të Benet Becit, Enea Hotit, Blendi Bushatit; "Aktiviteti financiar i njësive dhe sfidat e sistemit financiar në Shqipëri" të Farbardha Mollës dhe Flutura Kalemit; "Pse nuk ishin efektive uljet e kontributeve për sigurimet shoqërore për periudhën 2005 – 2009" të Ilir Beqjas dhe Enea Zafirit; "Analiza e mjeteve financiare në shpenzimet e marketingut në sektorin bankar shqiptar" të Jonida Këllezit, Valbona Zenelit dhe Oltjana Zotos; "Menaxhimi dhe mundësitë e mikrofinancës në vendet në zhvillim, rasti i Shqipërisë" të Magdalena Bregasit dhe Eda Lugës dhe "Një këndvështrim etik mbi krizën financiare" të Kreshnik Bellos, Artur Temos dhe Edmond Bellos.