Titulli: Economicus, Kriza globale, sa na prek, nr. 2
Origjinali: Economicus, Kriza globale, sa na prek, nr. 2
Gjinia: Revistë shkencore
Kryeredaktor: Adrian Civici
Shtëpia botuese: UET Press
Viti: 2008
Fq. 164
Pesha: 0.428 kg
Koment nga Adrian Civici
Revista "Economicus" është një botim me karakter shkencor dhe informativ i Fakultetit të Ekonomisë të Universitetit Europian të Tiranës. Qëllimi kryesor i saj është pasqyrimi i realiteteve, arritjeve dhe sfidave të reja në fushën e zhvillimeve ekonomike, financiare e sociale në Shqipëri dhe në botë, nxitja e kërkimit, debatit shkencor dhe propozimeve efektive në këto fusha.
Në mënyrë të veçantë revista "Economicus" synon krijimin e një forumi aktiv të mendimit ekonomik në Shqipëri, synon angazhimin më të gjerë e më konkret të gjithë komunitetit të ekonomistëve e financierëve shqiptarë në Shqipëri apo jashtë saj në trajtimin e problematikës së zhvillimit ekonomiko – social, financave publike dhe tregjeve financiare në përgjithësi, stabilitetit makroekonomik, politikave ekonomike e financiare, zhvillimit social e territorial, kredisë dhe bankave, sistemeve të sigurimeve dhe pensioneve, çmimeve dhe inflacionit, efektet dhe kërkesat në kuadrin e integrimit evropian, ndikimet dhe përballja me zhvillimet e ekonomisë botërore dhe globalizimit etj.
Një vend të rëndësishëm në përmbajtjen e saj do të kenë analizat për eksperiencat bashkëkohore ndërkombëtare në fushën e politikave ekonomike e sociale, trajtimi teorik e aplikativ i ideve, debateve e politikave më të mira në fushat e sipërpërmendura etj. Ekonomistët më të shquar të botës dhe analiza e teorive dhe kontributit të tyre në shkencat ekonomike do të jetë një tjetër rubrikë e përhershme në faqet e revistës "Economicus".
Pedagogë, kërkues të shkencave ekonomike të Universitetit Europian të Tiranës apo të universiteteve të tjera publike dhe private, studiues dhe ekspertë të institucioneve të ndryshme që në fokusin e tyre kanë ekonominë, financat dhe zhvillimin në përgjithësi janë të ftuar ta përdorin këtë revistë për të publikuar idetë dhe studimet e tyre, për të debatuar apo për të hedhur pikëpamje të reja në debatin ekonomik bashkëkohor.
Mbi revistën
Në këtë numër janë paraqitur artikujt: "Krizë financiare apo krizë shumë – dimensionale botërore?" dhe "Banka Qendrore në fokus" të Adrian Civicit; "Analiza dhe qëndrimi i Bankës Botërore për krizën ndërkombëtare, pasojat e krizës ekonomiko – financiare botërore në Shqipëri" të Anastas Angjelit; "Analiza e bilancit tregtar në Shqipëri, pse kaq negativ?" të Selim Belortajas; "Tendencat në industrinë e sigurimeve në Shqipëri?" të Bardhyl Minxhozit; "Hapja e sektorit bankar, depërtimi i tij në Shqipëri dhe në rajon" të Fatos Ibrahimit; "Politika monetare si instrument për kontrollin e inflacionit" të Gramoz Kolasit; "Roli i sistemit bankar shqiptar në financimin e ekonomisë" të Drini Salkos; "Bankat dhe globalizimi" të J.C. Trichet; "Amerika dhe Kina në gjeoekonominë globale" të Fatos Tarifas; "Integrimi financiar i anëtarëve të rinj" të Arjan Kadaresë; "Llogaritja e probabilitetit të zbulimit dhe ndëshkimit të korrupsionit" të Fejzi Kolanecit dhe "Banka e Shqipërisë, nga krijimi deri në fund të Luftës së Dytë Botërore" të Ksenofon Krisafit. Gjithashtu, në këtë numër paraqitet edhe një material rreth fituesve të çmimit Nobel në ekonomi duke u përqendruar në profilin e Joseph Stiglitz.
