Grataçela, Tahsin Yucel

Titulli: Grataçela
Origjinali: Gökdelen
Gjinia: Roman
Autori: Tahsin Yücel
Shqipëroi: Lindita Xhanari (Latifi)
Shtëpia botuese: Fan Noli
Viti: 2019
Fq. 336
Pesha: 0.423 kg.
ISBN: 978-9928-291-22-6

Mbi librin

Ngjarjet e romanit fillojnë në mëngjesin e 17 shkurtit 2073 dhe personazhi kryesor i tij, Xhan Tezxhani, është ndër avokatët më të famshëm dhe më të rëndësishëm të Turqisë.

Xhan Tezxhani harton një plan për të zgjidhur në rrugë ligjore çështjet e klientit të tij të pasur, Temel Dikerit, i cili dëshiron të ndërtojë në Stamboll vetëm grataçela, për ta përngjasuar atë me New York – un, duke e kthyer atë në një qytet edhe më të bukur, edhe më modern.

Grataçela, romani i fundit i mjeshtrit të satirës Yücel, është një roman që përmes befasive dhe rrëfimit për shtëpinë e vogël me oborr dhe macet e saj, që qëndron e vetme mes grataçelave në Xhihangir, përmes rrëfimit për njerëzit njëthundrakë që detyrohen të jetojnë mes mjerimit duke u sorollatur maleve, përmes rrëfimit për mekikët që janë avionë njëvendësh e nga të cilët nuk zbresin të pasurit, përmes rrëfimit për politikanët që nuk ndryshojnë aspak e që mbështeten nga media, përpiqet të shpjegojë dhe të prekë plagët që në të vërtetë jetojmë edhe sot.