Titulli: Dy vajza
Origjinali: Iki Genç Kizin Romani
Gjinia: Roman
Autori: Perihan Magden
Shqipëroi: Stefan Vuçani
Shtëpia botuese: Skanderbeg Books
Viti: 2011
Fq. 272
Pesha: 0.32 kg
ISBN: 978-99943-51-71-8
Mbi autoren
Perihan Magden ka lindur në Stamboll në vitin 1960. Ajo është gazetare dhe kolumniste e njohur e gazetës turke "Taraf". Është autore e romaneve: "Lajmëtari i vrasësve të djalit" dhe "Bashkudhëtari" si dhe një vëllim poetik.
Mbi librin
Është verë në Stamboll. Kufoma e një të riu të vrarë është gjetur në një liqen aty afër. Ajri është i rënduar, ndërkohë që Behija, një vajzë e re, përgatitet të hyjë në një prej universiteteve më të famshëm të Stambollit.
E zemëruar, e shëndoshë, e provokuar nga prindërit e saj dhe e përçmuar nga vëllai i saj, Tufani, i cili është i traumatizuar pas shërbimit si komando ushtarak, Behija është në kërkim të ndonjë shpëtimi për të dalë nga dëshpërimi i saj. Dy javë para fillimit të shkollës, ajo prezantohet me Handanin, një vajzë e dashur, e bukur, njohja me të cilën e ndryshon Behijen tërësisht.
Të përfshira te njëra - tjetra, të dyja vajza nisin një marrëdhënie shumë intensive, edhe pse janë nga dy mjedise të ndryshme, me ëndrra dhe ambicie po aq të ndryshme mes tyre. Por, dashuria e tyre provokon zemërim dhe mosbesim tek ata që i rrethojnë, duke i shtyrë të dyja të largohen në rrugë të ndryshme nga Stambolli. Kur u botua në vitin 2002, romani "Dy vajza" e lëkundi themelin e kulturës turke, duke u bërë padyshim një ndër librat më të rëndësishëm të botuar vitet e fundit.
