Titulli: Frika i ka sytë e hapur
Origjinali: Zmagoslavje podgan
Gjinia: Roman
Autori: Milan Dekleva
Shqipëroi: Nikollë Berishaj
Shtëpia botuese: Dituria
Viti: 2016
Fq. 280
Pesha: 0.365 kg.
ISBN: 978-9928-217-31-8
Mbi librin
Si një ndër romanet më të vlerësuara të letërsisë bashkëkohore sllovene, “Frika i ka sytë e hapur” e shkrimtarit Milan Dekleva vë në qendër historinë e mjekut dhe shkrimtarit Sllavko Grom, një gjysmëbiografi e viteve si student mjekësie, takimet me doktor Frojdin dhe Jauregun, dashuritë dhe pasionin për letërsinë dhe kthimin në vendlindje, që tanimë i duket mbytëse dhe kufizuese.
I ndërtuar si një rrjetë tregimesh me tituj interesantë, në dukje të palidhur me njëri – tjetrin, romani rrëfen ndodhitë e vogla në jetën e Gromit, në sfondin e një Vjene shkëlqimplotë dhe Ljubjanës me borë të prapambetur.
Stili përsiatës, mungesa e një forme të qartë dhe thyerjet gjuhësore, së bashku me ndjesitë e forta të personazhit, ndonjëherë të dyzuar e shpesh mes realitetit e halucinacionit, e fusin romanin në rrjedhat e ekspresionizmit.
Komente mbi librin
“Duket sikur Milan Dekleva për këtë vepër ka zbuluar një zhanër të veçantë që nuk është vetëm jetëshkrim, por as roman tipik.”
Jelka Cigleneçki, Sodobnost
“Krijimtaria artistike e Milan Deklevës ka cilësi të jashtëzakonshme, falë niveleve të shumta të leximit, paradokseve dhe lojës tekstore. As shuma e tipareve të tilla si: ironia, humori i përzgjedhur dhe përzierja e fizikes me metafiziken, nuk mund ta japin plotësisht thelbin e saj, sidomos te romani “Frika i ka sytë e hapur”.”
Dr. Irena Novak Popov, Universiteti i Ljubljanës
