Titulli: Rrëfimet, jeta si kirurg i trurit (kopertinë e trashë)
Origjinali: Admissions: a life in brain surgery
Gjinia: Autobiografi, tregime
Autori: Henry Marsh
Shtëpia botuese: Minerva
Viti: 2018
Fq. 270
Pesha: 0.699 kg.
ISBN: 978-9928-265-05-0
Mbi librin
Henry Marsh ka kaluar një jetë në frontin e kirurgjisë. Ka pasur ngritje ngazëlluese dhe ulje shkatërruese, por dashuria e tij për praktikën e neurokirurgjisë nuk është zbehur kurrë.
Në vijim të botimit të bestsellerit të New York Times, "Mos bëj dëm", Marsh u tërhoq nga puna e tij me kohë të plotë në Angli për të punuar si vullnetar në Ukrainë dhe në Nepal.
Në librin "Rrëfimet" ai përshkruan vështirësitë e punës në këta shtete të trazuar dhe të varfër, si dhe çfarë ka kuptuar më tej nga praktika e mjekësisë. Marsh gjithashtu përballet me barrën e përgjegjësisë që mund të vijë nga përpjekja për të pakësuar vuajtjen njerëzore.
Duke zbuluar për herë të parë kujtime të ditëve të tij të hershme si student i mjekësisë dhe përvojat që e formuan si një kirurg të ri në moshë, ai eksploron vështirësitë e një profesioni që merret me probabilitete në vend të sigurisë, si dhe kur dëshira e fortë për të zgjatur jetën mund të vijë me një kosto tragjike për pacientët dhe për ata që i duan.
Duke reflektuar se çfarë i kanë mësuar dyzet vite përballje me trurin e njeriut, Marsh gjen një qëllim tjetër në jetë ndërsa i afrohet fundit të karrierës së tij profesionale, dhe një kuptim të ri se çfarë ka rëndësi për të gjithë ne në fund.
Komente mbi librin
"Marsh ka dalë në pension, gjë që nënkupton se po i bën një bilanc jetës së tij. Reflektimet dhe kujtimet e tij e bëjnë librin "Rrëfimet" edhe më analizues se libri i parë, nëse diçka e tillë është e mundur."
The New York Times
"Vazhdimisht argëtues... Këtu ndershmëria është me bollëk – një cilësi aq e rrallë dhe e lavdërueshme te kirurgët e shquar sa mund ta presësh nga dikush që shkruan kujtime."
The Guardian
"I mahnitshëm dhe informues; një ditar magjepsës i një karriere të jashtëzakonshme."
Daniel J. Levitin, Ph. D.
"Rrëfime të sinqerta të një neurokirurgu praktik."
Katrina Firlik
"Henry Marsh e zhyt lexuesin thellë në botën e jetës, vdekjes dhe gjithçkaje mes tyre. Nuk do qëndroni dot pa e lexuar me një frymë."
Paul Ruggieri, MD
"Me një ndershmëri të rrallë dhe të palëkundur, Henry Marsh përshkruan jo vetëm triumfet e mëdha por edhe tragjeditë tronditëse, të cilat po ashtu, janë pjesë të jetës së çdo kirurgu."
Michael Collins
"Henry Marsh zhvesh meningjet për të zbuluar botën e shndritshme, torturuese dhe tmerrësisht tërheqëse të neurokirurgjisë."
Danielle Ofri, M. D., Ph. D.
